ఫొటోలు చూశారుగా.. ఇద్దరూ సేమ్ టు సేమ్ దిగిపోయారు కదూ! పెద్దలు చెప్పినట్టు మనిషికి పునర్జన్మ అనేది ఉంటుందో ఉండదో తెలియదుగానీ, ఇలాంటివి చూస్తుంటే మాత్రం వాళ్లు చెప్పింది నిజమే అనిపించకమానదు. బ్లాక్ అండ్ వైట్ ఫొటోలో ఉన్న అమ్మాయి సేమ్ టు సేమ్ స్వీడన్ క్లైమేట్ యాక్టివిస్ట్ గ్రెటా థన్బర్గ్లా ఉంది కదా. ఆ ఫొటోను 121 ఏళ్ల క్రితం 1898లో కెనడాలోని యుకోన్ టెరిటరీలో తీశారట. యూనివర్సిటీ ఆఫ్ వాషింగ్టన్ పిక్చర్ ఆర్కైవ్స్లో ఆ ఫొటో బయటపడడం, సోషల్ మీడియాలో పెట్టడంతో వైరల్ అయిపోయింది. నెటిజన్లు ఆ ఫొటోలను చూసి, ఇప్పుడు మనల్ని కాపాడడానికి గ్రెటా మళ్లీ పుట్టిందంటూ కామెంట్లు పెట్టారు. ఆమె టైమ్ ట్రావెలర్ అంటూ కొందరు కామెంట్ చేశారు. మరికొందరు మాత్రం అలాంటిదేం లేదని కొట్టిపారేస్తున్నారు. ఫొటోషాప్ చేసి ఆ పాత ఫొటోను పెట్టారని అన్నారు. ఒకట్రెండు పోలికలైతే ఓకే గానీ, మరీ, అన్ని పోలికలు ఒకేలా ఉండడమేంటని ప్రశ్నిస్తున్నారు.
