ఆన్లైన్ దిగ్గజ ఫుడ్ డెలివరీ సంస్థ స్విగ్గి కార్ట్ తన కస్టమర్స్ కి షాకిచ్చింది. ఆర్డర్ వ్యాల్యూతో సంబంధం లేకుండా రూ. 2 “ప్లాట్ఫారమ్ ఫీజు” వసూలు చేయనుంది. అయితే.. స్విగ్గి ప్రధాన ప్లాట్ఫారమ్లోని చేసే ఫుడ్ ఆర్డర్లపై మాత్రమే ఈ అదనపు ఛార్జీలు విధించబడుతున్నామని, ఇన్స్టామార్ట్ నుండి చేసే వినియోగదారులకు ఈ చార్జెస్ వర్తించవని కంపెనీ తెలిపింది.
ఇక ఈ చార్జెస్ కూడా.. తమ ప్లాట్ఫారమ్ను ఆపరేట్ చేయడానికి, వినియోగదారులకు ఎలాంటి ఇబ్బందులు కలగకుండా మెయింటైన్ చేయడానికి, యాప్ ఫీచర్లను మెరుగుపరచడానికి మాత్రమే వినియోగిస్తామని” స్విగ్గీ ప్రతినిధి ఒక ప్రకటనలో తెలిపారు.
Swiggy రోజుకి 1.5 నుండి 2 మిలియన్ ఆర్డర్లను ప్రాసెస్ చేస్తున్నామని, హైదరాబాద్ ప్రజలు రంజాన్ పండుగ సందర్భంగా స్విగ్గీలో 10 లక్షల బిర్యానీలు, 4 లక్షల ప్లేట్ల హలీమ్లను ఆర్డర్ చేశారని తెలిపారు. గడిచిన 12 నెలల్లో స్విగ్గి 33 మిలియన్ ప్లేట్ల ఇడ్లీలను డెలివరీ చేసిందని, ఈ డిష్కు కస్టమర్లలో అపారమైన ఆదరణ ఉందని సూచించింది.
