- మూడో క్వార్టర్లో రూ.7,100 కోట్లు
ముంబై : ప్రస్తుత ఆర్థిక సంవత్సరం డిసెంబర్ క్వార్టర్లో టాటా మోటార్స్ లిమిటెడ్ నికర లాభం133.32 శాతం వృద్ధితో రూ. 7,100 కోట్లకు చేరుకుంది. గత ఏడాది కాలంలో కంపెనీ రూ. 3,043 కోట్ల నికర లాభాన్ని ఆర్జించింది. ప్రస్తుత ఆర్థిక సంవత్సరం మూడో క్వార్టర్లో ఆదాయం (కన్సాలిడేటెడ్) ఏడాది ప్రాతిపదికన 25 శాతం పెరిగి రూ.1,10,600 కోట్లకు చేరుకుందని కంపెనీ ఒక ప్రకటనలో తెలిపింది. "మేం మూడు ఆటో వ్యాపారాలపై సానుకూలంగానే ఉన్నాము. కొత్త లాంచ్లు, జేఎల్ఆర్లో సరఫరాలను మెరుగుపరచడం వంటి కారణాల వల్ల మార్చి క్వార్టర్లో పనితీరు మరింత బాగుంటుంది " అని టాటా మోటార్స్ ఒక ప్రకటనలో తెలిపింది. డిసెంబరు క్వార్టర్లో రూ. 9,500 కోట్ల అప్పును తీర్చగలిగామని టాటా మోటార్స్ తెలిపింది.