- 14 రోజుల వరకు అమెరికా వదిలి వెళ్లొద్దు
- హెచ్ 1 బీ వీసా హోల్డర్స్‌‌‌‌కు టెక్ కంపెనీల సూచన
- ఎంప్లాయిస్‌‌‌‌కు ఈమెయిల్స్ చేసిన మెటా, మైక్రోసాఫ్ట్
వాషింగ్టన్‌: హెచ్1 బీ వీసాలపై ట్రంప్ సర్కారు తీసుకున్న తాజా నిర్ణయంతో అమెరికాలోని టెక్కంపెనీలు అలర్ట్ అయ్యాయి. అధ్యక్షుడు డొనాల్డ్ ట్రంప్ వర్క్ వీసాలపై లక్ష డాలర్ల రుసుము విధించాలనే కొత్త ప్రణాళిక నేపథ్యంలో హెచ్ 1 బీ వీసాదారులు అమెరికా వదిలి వెళ్లొద్దని ఇమ్మిగ్రేషన్ అటార్నీలు, కంపెనీలు ఉద్యోగులను హెచ్చరిస్తున్నాయి. విదేశాలకు వెళ్లిన ఉద్యోగులు వెంటనే అమెరికాకు తిరిగి రావాలని లేదా అక్కడే చిక్కుకుపోయే ప్రమాదం ఉందని తెలిపాయి.
తమ కంపెనీలకు చెందిన హెచ్1 బీ వీసా హోల్డర్స్14 రోజుల వరకు అమెరికాను వీడి వెళ్లొద్దని మెటా, మైక్రోసాఫ్ట్ ఆదేశించాయి. అలాగే, దేశం బయట ఉన్న ఉద్యోగులు 24 గంటల్లోగా అమెరికాకు చేరుకోవాలని సూచించాయి. అమెరికాలో తమ భవిష్యత్తు కోసం ఫారిన్ ఎంప్లాయిస్ ఈ ఆదేశాలను పాటించాలని కోరాయి. ఈ మేరకు ఉద్యోగులకు ఆయా సంస్థలు అంతర్గత మెయిల్స్‌ పంపినట్లు మీడియా కథనాలు వెలువడ్డాయి.
హెచ్-1బీ, హెచ్-4 వీసాదారులు 24 గంటల్లోపు అంటే సెప్టెంబర్‌ 21 లోపు ఆలస్యం చేయకుండా అమెరికాకు తిరిగి వచ్చేయాలని మెటా తమ ఎంప్లాయిస్‌‌‌‌కు ఆదేశించింది. దేశంలోనే ఉన్న ఫారిన్ ఎంప్లాయిస్వీసా నిబంధనలు అర్థమ్యేవరకూ ఇక్కడే ఉండాలని సూచించింది. దేశంలోకి ఎంట్రీ నిరాకరించకుండా దేశంలోనే ఉండాలని తమ ఉద్యోగులకు మైక్రోసాఫ్ట్ సూచించింది.
