- గిన్నిస్ రికార్డు నెలకొల్పేలా తెలంగాణ రైజింగ్
- ఫ్యూచర్ సిటిలో డిసెంబర్ 9న ముగింపు వేడుకలు
హైదరాబాద్, వెలుగు : భారత్ ఫ్యూచర్ సిటీలో డిసెంబర్ 9న జరగబోయే తెలంగాణ రైజింగ్ గ్లోబల్ సమ్మిట్ ముగింపులో గిన్నిస్ వరల్డ్ రికార్డు నెలకొల్పేలా డ్రోన్ షో నిర్వహించేందుకు రాష్ట్ర ప్రభుత్వం సన్నాహాలు చేస్తోంది. ఒకేసారి 3 వేల డ్రోన్లతో ఆకాశంలో ‘తెలంగాణ ఈజ్ రైజింగ్.. కం, జాయిన్ ది రైజ్’ అనే అక్షరాల సమాహారం ఆవిష్కరించేలా డ్రోన్ షో నిర్వహించనున్నారు.
ఇప్పటివరకు డ్రోన్లతో ఆకాశంలో అత్యంత పొడవైన వాక్యాన్ని ప్రదర్శించిన రికార్డు యునైటెడ్ అరబ్ ఎమిరేట్స్ అబుధాబీ పేరిట ఉంది. 2025 కొత్త సంవత్సర వేడుకల సందర్భంగా 2,131 డ్రోన్లతో హ్యాపీ న్యూ ఇయర్ అనే వాక్యాన్ని ప్రదర్శించి ఏఈఏ రికార్డును అందుకుంది. అంతకు మించిన సంఖ్యలో డ్రోన్లను ఉపయోగించి గ్లోబల్ సమ్మిట్ ముగింపు వేడుకల్లో అద్భుతమైన డ్రోన్ షో నిర్వహించేందుకు
రాష్ట్ర ప్రభుత్వం ఏర్పాట్లు చేస్తోంది.
