- చట్టపరంగా ప్రక్రియ చేపట్టాలని ప్రభుత్వం ఉత్తర్వులు
హైదరాబాద్, వెలుగు: టీఎస్ట్రాన్స్కో, జెన్కోలో కొత్తగా డైరెక్టర్లను నియామించాలని ఆయా సంస్థలను ప్రభుత్వం ఆదేశించింది. ఈ మేరకు శనివారం సీఎండీలకు ఉత్తర్వులు జారీ చేసింది. గతంలో రెండు విద్యుత్సంస్థల్లో డైరెక్టర్ల నియామక ప్రక్రియ నిబంధనలకు విరుద్ధంగా సాగిందని, చట్టపరంగా కొత్త నియమాకాల ప్రక్రియ చేపట్టాలని ఉత్తర్వుల్లో ఆదేశించింది.
జీవో నంబర్లు.. 18, 45 ప్రకారం డైరెక్టర్లుగా నియమించే వాళ్లు రెండేడ్ల పాటు పదవిలో కొనసాగాలని ఆ తర్వాత ఏడాది చొప్పున రెండుసార్లు మాత్రమే వారి పదవీ కాలాన్ని పొడిగించాలని తెలిపింది. గరిష్టంగా ఒక్కొక్కరు నాలుగేండ్లకు మించి పదవుల్లో కొనసాగే అవకాశం లేదని స్పష్టం చేసింది. టీఎస్ట్రాన్స్కో, జెన్కో సీఎండీలు తగిన చర్యలు చేపట్టి, కొత్త డైరెక్టర్ల నియమానికి నోటిఫికేషన్వెంటనే జారీ చేయాలని సూచించింది.
