హైదరాబాద్, వెలుగు: ఉద్యోగ సంఘాలకు ఇచ్చిన హామీ మేరకు ఉద్యోగుల పెండింగ్ బిల్లులు రూ.707.30 కోట్లను ఆర్థిక శాఖ రిలీజ్ చేసింది. డిప్యూటీ సీఎం భట్టి విక్రమార్క ఆదేశాల మేరకు ఆర్థిక శాఖ అధికారులు నవంబర్ నెలకు సంబంధించి రూ.707.30 కోట్ల పెండింగ్ బిల్లులను శనివారం విడుదల చేశారు.
ఉద్యోగ సంఘాలకు ఇచ్చిన హామీలో భాగంగా ప్రతినెలా రూ. 700 కోట్లకుపైగా నిధులను విడుదల చేస్తూ వస్తున్నారు. ఈ నవంబర్ తో వరుసగా నాలుగు నెలలుగా ఉద్యోగుల బకాయిలను ప్రభుత్వం చెల్లిస్తూ వస్తోంది. ఇందులో గ్రాట్యుటీ, జీపీఎఫ్, సరెండర్ లీవ్స్, అడ్వాన్స్ లకు సంబంధించిన బిల్లులు ఉన్నాయి.
