- అరెస్టు నుంచి రక్షణకు నిరాకరణ
హైదరాబాద్, వెలుగు: తోటి ట్రైనీ ఐపీఎస్పై లైంగిక వేధింపుల ఆరోపణలతో అత్తాపూర్ పీఎస్లో తన పై నమోదైన కేసును కొట్టివేయాలని కోరుతూ ఉదయ్కృష్ణారెడ్డి దాఖలు చేసిన పిటిషన్పై వివరణ ఇవ్వాలని పోలీసులను హైకోర్టు ఆదేశించింది. అరెస్టు చేయకుండా మధ్యంతర రక్షణ కల్పించాలన్న ఉదయ్ అభ్యర్థనను తిరస్కరిస్తూ కేసు విచారణను ఈ నెల 27కు వాయిదా వేసింది. జస్టిస్ శ్రీనివాసరావు ఎదుట పిటిషనర్ న్యాయవాది వాదనలు వినిపిస్తూ, ఫిర్యాదులో చేసిన ఆరోపణలను ధ్రువీకరించకుండానే పోలీసులు ఎఫ్ఐఆర్ నమోదు చేశారని తెలిపారు. న్యాయమూర్తి వారికి నోటీసులు జారీ చేసి ఉదయ్కృష్ణారెడ్డికి మధ్యంతర రక్షణ ఇవ్వడానికి నిరాకరించారు.
