హైదరాబాద్, వెలుగు: ఇన్కమ్సర్టిఫికెట్అప్లై చేయాలా.. క్యాస్ట్సర్టిఫికెట్కావాలా.. ఆధార్లో మార్పులు చేయాలా..? ఇకపై అన్ని ఇంటి దగ్గరే చేసుకోవచ్చు.. మీసేవ చుట్టూ తిరగాల్సిన పనే లేదు. ఇక నుంచి మీసేవ సర్వీసులను ఇంటి దగ్గర్నే అందిస్తున్నారు. ఐటీ, ఎలక్ట్రానిక్స్అండ్కమ్యూనికేషన్స్శాఖ ‘మీసేవ డోర్స్టెప్డెలివరీ’ సేవలను అందుబాటులోకి తీసుకొచ్చింది. ఒక్క ఫోన్ కాల్ చేస్తే చాలు.. మీసేవ ప్రతినిధి ఇంటికే వచ్చి కావాల్సిన సర్టిఫికెట్ ప్రాసెస్ చేస్తారు.
ఇన్కమ్సర్టిఫికెట్, క్యాస్ట్సర్టిఫికెట్, రెసిడెన్స్సర్టిఫికెట్, బర్త్, డెత్సర్టిఫికెట్లు, ఆధార్ నమోదు, ఆధార్అప్డేట్వంటి అత్యంత కీలకమైన సేవలను డోర్స్టెప్డెలివరీ ద్వారా అందిస్తున్నారు. తొలి నెలలోనే ప్రజల నుంచి టోల్ఫ్రీ నంబర్1100 నంబర్కు 3,885 కాల్స్ వచ్చాయన్నారు. ఈ డోర్‌‌స్టెప్ సేవలు క్యూర్ పరిధిలోని ప్రాంతాల్లో అందుబాటులో ఉండగా, దశలవారీగా ఇతర ప్రాంతాలకూ విస్తరించేందుకు కసరత్తు చేస్తున్నట్టు అధికారులు చెప్పారు.
