- వెబ్సైట్లో ర్యాంకులు, మెరిట్ లిస్ట్
హైదరాబాద్, వెలుగు: రాష్ట్రంలోని మోడల్ స్కూల్స్ 2026–-27 విద్యాసంవత్సరానికి సంబంధించిన అడ్మిషన్ టెస్ట్ ఫలితాలు విడుదలయ్యాయి. విద్యార్థులు తమ మార్కులు, ర్యాంకు వివరాలను అధికారిక వెబ్సైట్ http://tgms.telangana.gov.in లో చూసుకోవాలని స్కూల్ ఎడ్యుకేషన్ డైరెక్టర్ నవీన్ నికోలస్, మోడల్ స్కూల్ అడిషనల్ డైరెక్టర్ శ్రీనివాస్చారి గురువారం ఒక ప్రకటనలో పేర్కొన్నారు.
అభ్యర్థులు తమ వివరాలతో లాగిన్ అయ్యి ర్యాంకు కార్డులను డౌన్ లోడ్ చేసుకోవచ్చని తెలిపారు. ఆరో తరగతి నుంచి పదో తరగతి వరకు ప్రవేశాల కోసం ఏప్రిల్ 19న నిర్వహించినట్లు వెల్లడించారు. ఈ ఏడాది మోడల్ స్కూల్ ప్రవేశాల కోసం మొత్తం 37,216 మంది విద్యార్థులు దరఖాస్తు చేసుకోగా, వారిలో 30,545 (82 శాతం) మంది పరీక్షకు హాజరయ్యారని, 6,671 మంది గైర్హాజరయ్యారని తెలిపారు.
