హైదరాబాద్, వెలుగు: తెలంగాణ రెసిడెన్షియల్ఎడ్యుకేషనల్ఇన్స్టిట్యూషన్స్రిక్రూట్మెంట్బోర్డు జారీ చేసిన వివిధ ఉద్యోగాల భర్తీకి దరఖాస్తు చేసుకున్న అభ్యర్థులు జోనల్ఆప్షన్లు ఇచ్చే గడువును అధికారులు పెంచారు. అభ్యర్థులు www.treirb.telanagna.gov.in వెబ్సైట్ ద్వారా తమ జోనల్ఆప్షన్లు ఇచ్చుకోవాలని శనివారం ఒక ప్రకటనలో తెలిపారు. టీజీటీలు ఈ నెల 9 వరకు ఆప్షన్లు ఇచ్చుకోవచ్చని వెల్లడించారు.
లైబ్రేరియన్లు, ఫిజికల్డైరెక్టర్లు, డ్రాయింగ్, ఆర్ట్ టీచర్లు, క్రాఫ్ట్ఇన్స్ట్రక్టర్లు, టీచర్లు, మ్యూజిక్ టీచర్లు ఆప్షన్లు ఇచ్చే గడువును ఈ నెల 3 నుంచి 9వ తేదీకి పొడిగించామని తెలిపారు. జోనల్ఆప్షన్లు ఇచ్చేందుకు ఇదే చివరి అవకాశమని, తర్వాత ఎలాంటి పొడిగింపు ఉండదని స్పష్టం చేశారు. అభ్యర్థులు ఈ అవకాశాన్ని వినియోగించుకోవాలని సూచించారు.