ఉరీ: లష్కరే తొయిబా ఉగ్రవాద సంస్థకు చెందిన ఓ టెర్రరిస్టు ఆర్మీ ఎదుట లొంగిపోయాడు. పాకిస్థాన్‌ పంజాబ్‌లోని ఒఖారాకు చెందిన అలీ బాబర్ పాత్రా అనే ఆ టెర్రరిస్టు.. జమ్మూ కశ్మీర్‌లోని ఉరీ సెక్టార్‌లో భద్రతా దళాల ముందు లొంగిపోయాడు. ఈ విషయంపై లెఫ్టినెంట్ జనరల్ డీపీ పాండే స్పందించారు. పాక్ మిలటరీ కమాండర్ల సాయంతో టెర్రరిస్టులు భారత భూభాగంలోకి అక్రమంగా చొరబడుతున్నారని డీపీ పాండే అన్నారు. గత నెల రోజుల్లో పాక్ వైపు నుంచి అక్రమ చొరబాట్లు ఎక్కువయ్యాయని చెప్పారు. అయితే టెర్రరిస్టులు ఎన్ని ప్రయత్నాలు చేస్తున్నప్పటికీ వారిని మన భూభాగంలోకి రాకుండా విజయవంతంగా అడ్డుకుంటున్నామని తెలిపారు. గడిచిన ఏడ్రోజుల్లో ఏడుగురు ఉగ్రవాదులను మట్టుబెట్టామన్నారు. ఈ ఆపరేషన్ నిర్వహిస్తున్న సమయంలో అన్ని వైపుల నుంచి భద్రతా దళాలు చుట్టుముట్టడంతో అలీ బాబర్ పాత్రా అనే టెర్రరిస్టు లొంగిపోయాడని పేర్కొన్నారు.
One LeT terrorist Ali Babar Patra from Okhara, Punjab in Pakistan surrendered before security forces during an operation in the Uri sector of Jammu and Kashmir: Indian Army pic.twitter.com/M7URcShc9Z
— ANI (@ANI) September 28, 2021
