ప్రపంచ బిలియనీర్..టెస్లా సీఈవో..ఎలాన్ మస్క్ డ్రగ్స్ తీసుకుంటున్నట్లు జోరుగా ప్రచారం సాగుతోంది. ఎలాన్ మస్క్ డ్రగ్స్ ఇప్పటీకీ వాడుతున్నాడు.. అది ఆయన ఆరోగ్యంతో పాటు వ్యాపార సామ్రాజ్యంపై తీవ్ర ప్రభావం చూపుతుందని అటు టెస్లా, స్పేస్ ఎక్స్ లోని బోర్డులు, ఇటు అమెరికన్ పత్రికలు ఆందోళన వ్యక్తం చేస్తున్నాయి. అయితే ఎలాన్ మస్క్ మాత్రం డ్రగ్స్వాడకంపై ఇలా స్పందించాడు.
గత కొంత కాలంగా తనపై వస్తున్న డ్రగ్స్ వాడకం ఆరోపణలను ఎలాన్ మస్క్ ఖండించారు. న్యూయార్క్ టైమ్స్ లాంటి పత్రికల్లో వచ్చిన కథనాలను తోసిపుచ్చారు. తాను కొన్నేళ్ల క్రితం మానసిక ఆరోగ్యంకోసం ప్రిస్ర్కిప్షన్ కెటామైన వాడినట్టు మస్క్ ఒప్పుకున్నారు. అయితే ప్రస్తుతం తాను డ్రగ్స్ తీసుకుంటున్నట్లు వస్తున్న వార్తలను ఖండించారు. రోజూ వాడితో ఆరోగ్యంపై ప్రభావం చూపుతుందని డ్రగ్స్ తీసుకోవడం లేదని చెప్పారు.
Given Elon Musk’s business track record, any drugs he’s taking should be put in the public’s drinking water.
— Whole Mars Catalog (@WholeMarsBlog) May 31, 2025
టెక్ బిలియనీర్ దాదాపు 20 రకాల డ్రగ్స్ ఉన్న డైలీ పిల్ బాక్స్ ను తన వెంట తీసుకెళ్తున్నాడని,ఇది అతని మూత్రాశయంపై ప్రభావం చూపుతుందని న్యూయార్క్ టైం హైలైట్ చేసింది. ఎలాన్ మస్క్తాను డ్రగ్స్ తీసుకుంటున్నట్లు వస్తున్న ఆరోపణలపై స్పందిస్తూ.. సోషల్మీడియా ప్లాట్ ఫాం Xలో ఈ ఆరోపణలను ఖండించారు. ‘‘నేను డ్రగ్స్ తీసుకోవడం లేదు, న్యూయార్క్ టైమ్ వారి గాడిద చెప్పింది అబద్ధం అని .. తాను కొన్నేళ్ల క్రితం మానసిక ఆరోగ్యం కోసం ప్రిస్ర్కిప్షన్కెటామెన్ తీసుకున్నానని వెల్లడించారు.
ALSO READ | మరోసారి తండ్రైన ఎలాన్ మస్క్..ఓ జపనీస్ పాప్ స్టార్‌‌‌‌‌‌‌‌‌‌‌‌‌‌‌‌కు స్పెర్మ్ డొనేట్!
ఇంకా స్పష్టంగా చెప్పాలంటే “నేను డ్రగ్స్ తీసుకోవడం లేదు.. న్యూయార్క్ టైమ్స్ రాతలు ఆశ్చర్యపర్చాయి.కొన్నేళ్ల క్రితం కెటామైన్ ప్రయత్నించాను. అది మానసిక ఆందోళననుంచి బయటపడేందుకు మాత్రమే..కానీ ఇప్పుడు తీసుకోవడం లేదు అని X లో పోస్ట్ చేశారు.
శుక్రవారం వైట్ హౌజ్ లో డొనాల్డ్ ట్రంప్ వీడ్కోలు సమావేశం ఏర్పాటు చేశారు. అయితే ఈ సమావేశానికి బ్లాక్ ఐతో వచ్చిన మస్క్..డ్రగ్స్ వాడకంపై విలేకరులు ప్రశ్నలు అడగకుండా తప్పించుకునేలా చేసింది. డ్రగ్స్ వాడకం కంటే బ్లాక్ ఐ ఇటు విలేకరులను, అటు ప్రజల దృష్టిని ఆకర్షించింది. గాయం గురించి అడిగినప్పుడు..తన చిన్న కొడుకు ఎక్స్ తో ఆడుతున్నప్పుడు గాయమైందని మస్క్ చెప్పాడు. ముఖంపై కొట్టమని చెప్పాను. వాడు నిజంగానే కొట్టాడని కొంచెం అనుమానంగా చెప్పారు.
ఎలాన్ మస్క్ డ్రగ్స్ వాడుతున్నట్లు చూపించే సంఘటనలు చాలానే ఉన్నాయి. 2018లో లాస్ ఏంజిల్స్ జరిగి పార్టీలో మస్క్ డ్రగ్స్ తీసుకున్నట్లు తెలుస్తోంది. 2019లో మెక్సికో పార్టీ, 2021లో మియామిలోని ఆర్ట్ బాసెల్ హౌజ్ పార్టీలో అతని సోదరుడు కింబాల్ మస్క్ తో కలిసి డ్రగ్స్ సేవించినట్లు ఆరోపణలు ఉన్నాయి. గతంలో స్పేస్ ఎక్స్ బోర్డు సభ్యుడిగా ఉన్న స్టీవ్ జుర్వెటి సన్ తో కలిసి మాస్క్ డ్రగ్స్ సేవించినట్లు తెలుస్తోంది.
ఎలాన్ మస్క్ వింత ప్రవర్తన అతడిపై వస్తున్న డ్రగ్స్ వాడకం ఆరోపణలకు ఆజ్యం పోస్తున్నాయి. గతంలో టెస్లా మాజీ డైరెక్టర్ లిండా జాన్సన్ రైజ్పై డ్రగ్స్ ప్రభావంతో కోపంతో దూషించినట్లు ఆరోపణలు ఉన్నాయి.దీంతో ఆమె కంపెనీ బోర్డునుంచి తప్పుకున్నట్లు తెలుస్తోంది. అయితే ఈ విషయాన్ని మస్క్ అటార్నీ ఖండించారు. స్పేస్ ఎక్స్ లో మస్క్కు ఎప్పటికప్పుడు డ్రగ్స్ పరీక్షలు నిర్వహించడం జరుగుతుంది. వీటిలో అతను ఎప్పుడూ విఫలం కాలేదని చెబుతున్నారు.
