తమిళ స్టార్ హీరో దళపతి విజయ్ తన పొలిటికల్ ఎంట్రీకి ముందు చేస్తున్న చివరి చిత్రం కావడంతో ‘జన నాయగన్’ (Jana Nayagan) పై అంచనాలు ఆకాశాన్ని తాకుతున్నాయి. హెచ్. వినోద్ దర్శకత్వంలో రూపొందుతున్న ఈ యాక్షన్ థ్రిల్లర్, తెలుగులో ‘జన నాయకుడు’ పేరుతో విడుదల కానుంది. లేటెస్ట్ గా ఈ సినిమాకు సంబంధించిన ట్రైలర్ ను మేకర్స్ రిలీజ్ చేశారు. ఇప్పుడు ఈ ట్రైలర్ సోషల్ మీడియాలో ప్రకంపనలు సృష్టిస్తోంది.
పవర్ ఫుల్ పొలిటికల్ డ్రామా!
శనివారం విడుదలైన ట్రైలర్ను గమనిస్తే, ఇది కేవలం కమర్షియల్ యాక్షన్ సినిమా మాత్రమే కాదు, సమాజంలోని సమస్యలను ప్రశ్నించే ఒక బలమైన సామాజిక ఇతివృత్తం అని అర్థమవుతోంది. ట్రైలర్లో విజయ్ చెప్పే డైలాగులు, ఆయన స్క్రీన్ ప్రెజెన్స్ అభిమానులకు పూనకాలు తెప్పిస్తున్నాయి. ముఖ్యంగా ఒక సామాన్యుడు వ్యవస్థను ఎలా ఎదురించాడు అనే కోణంలో సాగే యాక్షన్ సీక్వెన్స్ అద్భుతంగా ఉన్నాయి. 'యానిమల్' సినిమాతో నేషనల్ వైడ్ క్రేజ్ తెచ్చుకున్న బాబీ డియోల్.. ఇందులో అత్యంత పవర్ఫుల్ విలన్గా కనిపిస్తున్నారు. విజయ్ - బాబీ డియోల్ మధ్య వచ్చే మైండ్ గేమ్స్ సినిమాకు ప్రధాన ఆకర్షణగా నిలవనున్నాయి.
కేవీఎన్ ప్రొడక్షన్స్ పతాకంపై వెంకట్ కె. నారాయణ అత్యంత ప్రతిష్టాత్మకంగా ఈ చిత్రాన్ని భారీ బడ్జెట్తో నిర్మించారు. ఇందులో విజయ్ సరసన పూజా హెగ్డే నటిస్తుండగా, 'ప్రేమలు' ఫేమ్ మమిత బైజు ఒక కీలక పాత్రలో కనిపించనుంది. ఈ చిత్రానికి అనిరుధ్ రవిచందర్ సంగీతం అందించారు. ఇప్పటికే విడుదలైన పాటలు చార్ట్బస్టర్లుగా నిలిచాయి. ట్రైలర్లో వినిపించిన బ్యాక్గ్రౌండ్ స్కోర్ (BGM) సినిమా స్థాయిని పెంచింది.
సంక్రాంతి రేసులో 'జన నాయకుడు'
ఈ ఏడాది సంక్రాంతి పోరు అత్యంత ఆసక్తికరంగా మారింది. జనవరి 9న తమిళం, తెలుగు, హిందీ భాషల్లో ప్రపంచవ్యాప్తంగా ఈ సినిమా విడుదల కానుంది. తెలుగు రాష్ట్రాల్లో విజయ్కు ఉన్న మార్కెట్ దృష్ట్యా, ఇక్కడ భారీ స్థాయిలో థియేటర్లను కేటాయిస్తున్నారు.
కెరీర్ చివరి సినిమా..
విజయ్ తన రాజకీయ పార్టీ 'తమిళగ వెట్రి కళగం' (TVK) పనుల్లో బిజీగా ఉండటం వల్ల, సినిమాలకు స్వస్తి పలుకుతున్నట్లు ఇప్పటికే ప్రకటించారు. దీంతో ఈ 'చివరి గర్జన'ను థియేటర్లలో చూడాలని అభిమానులు క్యూ కడుతున్నారు. దర్శకుడు హెచ్. వినోద్ గతంలో అజిత్తో చేసిన 'నెర్కొండ పార్వై', 'వలిమై' వంటి చిత్రాలతో తనకంటూ ప్రత్యేక గుర్తింపు తెచ్చుకున్నారు. ఇప్పుడు విజయ్ను ఒక 'జన నాయకుడి'గా ఎలా ఆవిష్కరించారో చూడాలంటే జనవరి 9 వరకు వేచి చూడాల్సిందే. మొత్తానికి, యాక్షన్, ఎమోషన్స్, పొలిటికల్ టచ్తో రాబోతున్న ఈ సినిమా సంక్రాంతి విన్నర్గా నిలుస్తుందని ఇండస్ట్రీ వర్గాలు భావిస్తున్నాయి.
