యాదాద్రి, వెలుగు : ఆలేరు మాజీ ఎమ్మెల్యే బూడిద భిక్షమయ్య పుట్టిన రోజు సందర్భంగా గురువారం మంత్రి కేటీఆర్ను సెక్రటేరియట్లో కలిశారు. ఈ సందర్భంగా భిక్షమయ్యతో మంత్రి కేటీఆర్ మాట్లాడారు. యాదాద్రి జిల్లాతో ఆలేరు నియోజకవర్గం తాజా రాజకీయ పరిస్థితులను ఆయన ఆరా తీశారు. ఇచ్చిన మాట నిలబట్టుకుంటామని, కచ్చితంగా అవకాశమిస్తామని భిక్షమయ్యకు మంత్రి కేటీఆర్ చెప్పారు. మరోవైపు ఉప్పల్లోని భిక్షమయ్య ఇంటికి ఆలేరు నియోజకవర్గం నుంచి బీఆర్ఎస్ శ్రేణులు వెళ్లి శుభాకాంక్షలు తెలిపారు. దీంతో ఆలేరులో చర్చ మొదలైంది.
మునుగోడు ఉప ఎన్నికల సందర్భంలో భిక్షమయ్య గౌడ్ను సీఎం కేసీఆర్ ప్రగతి భవన్కు పిలిపించుకొని మాట్లాడిన సంగతి తెలిసిందే. ఎమ్మెల్సీగా అవకాశం ఇస్తున్నట్టు ప్రచారం జరిగింది. తాజాగా ఆయన మంత్రి కేటీఆర్ఎను కలవడం, బీఆర్ఎస్ నాయకులు ఆయనను కలవడం మరోసారి చర్చకు దారి తీస్తోంది.
