మక్తల్, వెలుగు : మక్తల్ పట్టణంలో ఆదివారం రాత్రి ఇంటి తలువులు పగలగొట్టి 66 తులాల బంగారం, రూ.50 వేలు ఎత్తుకెళ్లినట్లు సీఐ చంద్రశేఖర్, ఎస్ఐ భాగ్యలక్ష్మిరెడ్డి తెలిపారు. పట్టణంలోని సంగంబండ రోడ్లో ఉన్న ద్వారకానగర్‌లో ఉంటున్న చిగుళ్లపల్లి రాఘవేందర్ ఇంట్లో కిచెన్ తలుపులు పగలగొట్టి ఇంట్లోకి చొరబడ్డారు. ఇంట్లోని బీరువాలో దాచుకున్న బంగారం, నగదును ఎత్తుకెళ్లారు.
విషయం తెలుసుకున్న సీఐ, ఎస్ఐలు ఘటనా స్థలానికి చేరుకొని వివరాలు అడిగి తెలుసుకున్నారు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.
