ఎల్బీనగర్, వెలుగు: యువకులపై దాడి కేసులో ముగ్గురిని అరెస్ట్చేసినట్లు చాంద్రాయణగుట్ట డివిజన్ ఏసీపీ ఎ.సుధాకర్ తెలిపారు. బండ్లగూడ పోలీస్ స్టేషన్ లో వివరాలు వెల్లడించారు. బండ్లగూడ జహంగీరాబాద్ కు చెందిన సయ్యద్ అబేద్, సయ్యద్ యూసుఫ్ స్నేహితులు. ఇద్దరూ వెల్డింగ్ పనులు చేస్తుంటారు. యూసుఫ్ కంటికి గాయమవడంతో హాస్పిటలో చూపించేందుకు ఈ నెల 24న మధ్యాహ్నం బైక్ పై హాషమాబాద్ వెళ్తున్నారు.
మార్గమధ్యలో చాంద్రాయణగుట్ట నుంచి ఆరాంఘర్ కు వేగంగా వెళ్తున్న కారు ఢీకొట్టింది. సయ్యద్ అబేద్, యూసుఫ్కిందపడ్డారు. అంత స్పీడ్ ఎందుకని కారు డ్రైవ్ చేస్తున్న జక్కిని ప్రశ్నించగా.. నన్నే తిడతారా అంటూ అతను మహమ్మద్ అబ్దుల్ సఫి, తన సోదరుడైన మైనర్తో కలిసి అబేద్, యూసుఫ్ను చితకబాదాడు. బాధితుల ఫిర్యాదు మేరకు పోలీసులు కేసు నమోదు చేశారు. నిందితులను మంగళవారం అరెస్ట్ చేసినట్లు ఏసీపీ పేర్కొన్నారు.
