గచ్చిబౌలి, వెలుగు: తమ కంపెనీలో పెట్టుబడులు పెడితే పెద్ద మొత్తంలో రిటర్న్స్ఇస్తామని, చీటింగ్ చేసిన వ్యక్తులను సైబరాబాద్ సైబర్క్రైమ్ పోలీసులు అరెస్ట్ చేశారు. సైబరాబాద్కు చెందిన ఓ వ్యక్తికి 2019 జనవరిలో బెంగుళూరుకు చెందిన నిహారిక కాల్ చేసింది. తాను ఎక్స్ టీ స్క్వేర్ ఫైనాన్షియల్ సర్వీసెస్లో పనిచేస్తున్నానని, తమ కంపెనీలో పెట్టుబడి పెడితే పెద్దఎత్తున రిటర్న్స్ ఇస్తామని నమ్మబలికింది. దాంతో బాధితుడు ఆ కంపెనీలో రూ.2 లక్షల పెట్టుబడులు పెట్టాడు. ఆ తర్వాత అతనిపై ఒత్తిడి తీసుకువచ్చి దశల వారీగా రూ.1.45 కోట్లు పెట్టుబడులు పెట్టించారు.
రిటర్న్స్ గురించి అడిగితే కరోనా, లాక్డౌన్తో నష్టాలు వచ్చాయని, త్వరలోనే రిటర్న్స్ఇస్తామని నమ్మించారు. ఆ తర్వాత కంపెనీకి చెందిన మరో ఇద్దరు కబీర్, జయతో మాట్లాడినా ఫలితం లేకపోవడంతో.. బాధితుడు సెప్టెంబర్3న పోలీసులకు ఫిర్యాదు చేశారు. పోలీసులు కేసు నమోదు చేసి, ఎక్స్ టీ కంపెనీ బెంగుళూరుకు చెందిన ట్రేడర్ రామేశ్వర్ బెహరా(36), టెలీకాలర్ షేక్జైనాబ్అలియాస్ నిహారిక(29), ఆమె భర్త అక్బర్ఖాన్(31)ను అరెస్ట్ చేసి శుక్రవారం రిమాండ్కు తరలించారు.
