కూలిన బిల్డింగ్ కిందనే 3 ఏండ్ల పాప.. 3 రోజులు
బయటకు తీయగానే రెస్క్యూ సిబ్బంది వేలు పట్టుకున్న పాప
టర్కీలో బిల్డింగ్ శిథిలాల నుంచి కాపాడిన సిబ్బంది
భూకంపంతో ఇప్పటి వరకు 81 మంది చనిపోయిన్రు
ఇజ్మిర్(టర్కీ): పేద్ద బిల్డింగ్.. ఒక్కసారిగా కూలింది. మూడేళ్ల పాప శిథిలాల్లో చిక్కుకుపోయింది. అంతా చీకటి. పైన మోయలేనంత బరువు. పైకి లేవొస్తలేదు. పక్కకు జరగొస్తలేదు. అక్కలు కనవడ్త లేరు. పిలిచినా అమ్మ పలుకుతలేదు. అలా గంటా రెండు గంటలు కాదు.. 65 గంటలు ఆ శిథిలాల కిందే ఉందా చిన్నారి. రెస్క్యూ టీమ్ కాపాడి బయటకు తీయగానే టక్కున ఓ సిబ్బంది చేయిని గట్టిగా పట్టుకుంది. సోషల్ మీడియాలో వైరలైన ఆ ఫొటో ఎంతో మందికి కన్నీళ్లు తెప్పించింది. భూకంపం వల్ల దెబ్బతిన్న టర్కీలోని ఇజ్మిర్ లో సోమవారం జరిగిందీ సంఘటన. ఆ పాప పేరు ఎలిఫ్ పెరిన్‌‌సెక్‌.
ఐసీయూలో చిన్నారికి ట్రీట్మెంట్
చిన్నారి ఎలిఫ్ తల్లిని, 10 ఏండ్ల ట్విన్ సిస్టర్స్ను, 7 ఏండ్ల బ్రదర్ను భూకంపం వచ్చిన 23 గంటల్లోనే రెస్క్యూ సిబ్బంది బయటకు తీశారు. దురదృష్టవశాత్తు బ్రదర్ చనిపోయాడు. పాప కోసం వెతికినా జాడ దొరకలేదు. సోమవారం పొద్దున శిథిలాల కింద చిన్నారిని కనిపెట్టారు. 7 గంటల పాటు శ్రమించి బయటకు తీశారు. హాస్పిటల్కు తరలించారు. పాప చేయి పట్టుకున్న అగ్నిమాపక సిబ్బంది మౌమ్మర్ సెలిక్ మాట్లాడుతూ.. ‘బయటకు తీయగానే నా వేలును చిన్నారి గట్టిగా పట్టుకుంది. ఆమె ముఖంపై దుమ్మును క్లీన్చేశాను’ అన్నారు. ఫస్ట్ ఎయిడ్ టెంట్లోకి తీసుకెళ్లే వరకు పాప తన చేయిని విడవలేదని చెప్పారు. ప్రస్తుతం పాప ఐసీయూలో ట్రీట్మెంట్ పొందుతోందని అధికారులు తెలిపారు.
For More News..
