డ్రగ్స్ కేసులో కన్నడ హీరోయిన్లు రాగిణి, సంజనలకు ఉచ్చు బిగుస్తుంది. వారి నుంచి సేకరించిన వెంట్రుకల నమూనాలో డ్రగ్స్ తీసుకున్నట్లు ఎఫ్ఎస్ఎల్ రిపోర్ట్ లో తేలింది. దాంతో వారిద్దరికీ మరోసారి సమన్లు జారీ చేయాలని బెంగుళూరు పోలీసులు నిర్ణయించారు. మొదట ఈ ఇద్దరు హీరోయిన్ల నుంచి బ్లడ్, యూరిన్ శాంపిళ్లను ల్యాబ్ కు పంపారు. వాటిలో ఫలితం సరిగా తేలకపోవడంతో.. అక్టోబర్ 2020లో మరోసారి వారి వెంట్రుకల నమూనాలను సేకరించి.. ఎఫ్ఎస్ఎల్ కు పంపారు. ఈ రిపోర్ట్ లో డ్రగ్స్ తీసుకున్నట్లు తేలడంతో హీరోయిన్లద్దరికీ త్వరలోనే సమన్లు ఇవ్వనున్నారు. దాంతో వారికి డ్రగ్స్ కేసులో శిక్ష తప్పేలా కనిపించడం లేదు.
