ధర్మపురి, వెలుగు: బీఆర్ఎస్రూపంలో తొమ్మిదిన్నర ఏండ్లుగా రాష్ట్రాన్ని పట్టి పీడిస్తున్న శనిని ప్రజలు వదిలించారని కాంగ్రెస్పార్టీ ప్రచార కమిటీ కార్యదర్శి తీన్మార్ మల్లన్న చెప్పారు. ఆదివారం ఆయన ధర్మపురి లక్ష్మీనరసింహస్వామిని దర్శించుకున్నారు. కాంగ్రెస్ప్రభుత్వం ఏర్పడినందుకు 101 కొబ్బరికాయలు కొట్టి మొక్కులు చెల్లించుకున్నారు. గోదావరినదిలో ప్రత్యేక పూజలు చేశారు.
బీఆర్ఎస్నాయకులు ఎన్నికల టైంలో తమకే ఓటు వేయాలని ఓటర్లకు డబ్బులు ఇచ్చి ప్రమాణాలు చేయించారని, అవి తొలగిపోవాలని కోరుకుంటూ వారి తరఫున గోదావరిలో అభిషేకం చేశానని వివరించారు. ప్రమాణాలను గోదావరిలో కలపడానికే తాను ధర్మపురి వచ్చానని చెప్పారు. పార్లమెంట్ ఎన్నికల్లోనూ కాంగ్రెస్పార్టీకి అండగా ఉండాలని కోరారు. తిరుగు ప్రయాణంలో ఎదురైనా ఎమ్మెల్యే అడ్లూరి లక్ష్మణ్కుమార్ ను మల్లన్న కలిశారు.
