హైదరాబాద్, వెలుగు: తెలంగాణ పర్యాటక అభివృద్ధి సంస్థలో ఆఫీసర్ల బదిలీలు జరిగాయి. పరిపాలనా సౌలభ్యం, పనిలో సామర్థ్యం పెంచేందుకు ముగ్గురు అధికారులను బదిలీ చేస్తూ సంస్థ ఎండీ వల్లూరు క్రాంతి ఉత్తర్వులు జారీ చేశారు. రెవెన్యూ పెంచడంతోపాటు సర్వీస్ డెలివరీని మెరుగుపరచడానికే ఈ మార్పులు చేసినట్టు ఉత్తర్వుల్లో పేర్కొన్నారు. ప్రస్తుతం సికింద్రాబాద్ టీయూలో ఉన్న డిప్యూటీ మేనేజర్ వై. రాజలింగాన్ని హైదరాబాద్ దుర్గం చెరువు ఎకో-టూరిజం విభాగానికి బదిలీ చేశారు. హైదరాబాద్ సీఆర్వోలో ఉన్న డిప్యూటీ మేనేజర్ జి. వెంకటస్వామిని సికింద్రాబాద్ టీయూ యూనిట్ మేనేజర్గా పంపించారు.
కార్పొరేట్ ఆఫీసు ప్రాజెక్ట్స్ వింగ్లో ఉన్న అసిస్టెంట్ మేనేజర్ఆర్.కె రాజును సీఆర్వో ఇన్చార్జ్ గా నియమించారు. బదిలీ అయిన అధికారులు వెంటనే కొత్త పోస్టింగుల్లో రిపోర్ట్ చేయాలని, పాత బకాయిలు ఏమైనా ఉంటే క్లియర్ చేసుకుని బాధ్యతలు అప్పగించాలని ఎండీ కాంత్రి ఆదేశించారు.
