ఎల్బీనగర్, వెలుగు: కాంగ్రెస్ ప్రభుత్వంతో పాటు సీఎం రేవంత్ రెడ్డిపై నిరాధార, అవినీతి ఆరోపణలు చేస్తున్న బీఆర్ఎస్ నేత కేటీఆర్ పై చర్యలు తీసుకోవాలని టీపీసీసీ మీడియా, కమ్యూనికేషన్ చైర్మన్ సామ రామ్మోహన్రెడ్డి వనస్థలిపురం పీఎస్లో బుధవారం ఫిర్యాదు చేశారు. ఆయన మాట్లాడుతూ మూసీ ప్రక్షాళన విషయంలో కుంభకోణం జరిగిందని కేటీఆర్ నిరాధార ఆరోపణలు చేస్తున్నారని, దమ్ముంటే అధారాలు చూపాలని డిమాండ్ చేశారు. మంత్రిగా పని చేసిన కేటీఆర్కు ప్రభుత్వ నిధులు ఎలా కేటాయిస్తారో తెలియదా? అని ప్రశ్నించారు. బీఆర్ఎస్ ప్రభుత్వం మూసీ పేరిట చేసిన తప్పిదాలను కప్పిపుచ్చుకోవడానికే కాంగ్రెస్ ప్రభుత్వంపై అసత్య ఆరోపణలు చేస్తున్నారని మండిపడ్డారు.
