మేళ్లచెరువు, వెలుగు: టిప్పర్ ఢీకొనడంతో స్కూటీపై వెళ్తున్న ఇద్దరు టీచర్లు మృతిచెందిన ఘటన సూర్యాపేట పట్టణంలో శుక్రవారం జరిగింది. వివరాల్లోకి వెళ్తే.. చివ్వెంల మండల కేంద్రంలోని గురుకుల పాఠశాలలో పని చేస్తున్న ప్రిన్సిపాల్ కోట్ల రజితారెడ్డి (44), టీచర్ గుగులోతు రక్మా (40) ఒకే స్కూటీపై డ్యూటీకి వెళ్తుండగా, బీబీగూడెం నుంచి మార్కెట్కు వెళ్లే రహదారిపై టిప్పర్ లారీ ఢీకొట్టింది.
ఈ ప్రమాదంలో ఇద్దరు టీచర్లు తీవ్రంగా గాయపడి స్పాట్లోనే మృతిచెందారు. సమాచారం అందుకున్న ఎస్పీ నర్సింహా, పట్టణ సీఐ వెంకటయ్య, పోలీసు సిబ్బందితో ఘటనా స్థలాన్ని పరిశీలించారు. ప్రమాదానికి కారణమైన టిప్పర్ను పీఎస్కు తరలించారు. ఈ మేరకు కేసు నమోదు చేసుకుని దర్యాప్తు చేస్తున్నామని పోలీసులు తెలిపారు.
