భద్రాద్రి కొత్తగూడెం జిల్లా భద్రాచలంలో సీతారామ చంద్ర స్వామి ఆలయం పురవీధుల్లో దమ్మక్క సేవ యాత్రను ఆలయ అధికారులు, పూజారులు నిర్వహించారు. గుడి నుంచి ప్రధాన వీధులలో ఈ యాత్రను నిర్వహించారు. పోకల దమ్మక్క సేవ యాత్రను గిరిజన భక్తులతో ఆలయ అధికారులు ప్రారంభించారు.
రాములవారి ఈ యాత్రలో పాల్గొనేందుకు పరిసర గిరిజన గ్రామాల నుంచి భారీగా వచ్చారు గిరిజనులు. దమ్మక్క చిత్ర పటంతో గిరి ప్రదక్షణలు చేశారు. గిరిజనుల కొమ్ము నృత్యాలు అలరించాయి. పోకల దమ్మక్క పేరిట ప్రతి ఏటా సేవ యాత్రను నిర్వహిస్తున్నారు ఆలయ అధికారులు.
