హైదరాబాద్ సిటీ, వెలుగు: జీహెచ్ఎంసీ సీపీఆర్వో విభాగంలో పనిచేసిన అసిస్టెంట్ మున్సిపల్ కమిషనర్ జి జీవన్ కుమార్, మోటార్‌ సైకిల్ ఆర్డర్లీ అబ్దుల్ సత్తార్ మంగళవారం పదవీ విరమణ పొందారు. అడ్మినిస్ట్రేషన్ విభాగంలో అసిస్టెంట్ మున్సిపల్ కమిషనర్గా పనిచేసిన జీవన్ కుమార్, అంతకుముందు సీపీఆర్వో విభాగంలో సేవలు అందించారు. అబ్దుల్ సత్తార్ కూడా అదే విభాగంలో మోటార్‌సైకిల్ ఆర్డర్లీగా విధులు నిర్వర్తించారు. ఈ సందర్భంగా పీఆర్వో మామిండ్ల దశరథం, మాజీ సీపీఆర్వో మహ్మద్ మూర్తుజా, సూపర్వైజర్, ఇతర సిబ్బంది పదవీ విరమణ పొందిన వీరిద్దరిని సన్మానించారు.
