టాలీవుడ్ స్టార్ డైరెక్టర్ త్రివిక్రమ్(Trivikram) ప్రస్తుతం సూపర్ స్టార్ మహేష్ బాబు(Mahesh babu)తో గుంటూరు కారం(Guntur karam) అనే సినిమా చేస్తున్నారు. హారిక హాసిని క్రియేషన్స్ పై సూర్యదేవర నాగవంశీ నిర్మిస్తున్న ఈ సినిమాలో శ్రీలీల, మీనాక్షి చౌదరి హీరోయిన్స్ గా నటిస్తున్నారు. టాలీవుడ్ మ్యూజిక్ సెన్సేషన్ తమన్ సంగీతం అందిస్తున్నారు. ఇప్పటికే ఈ సినిమా నుండి రిలీజైన సాంగ్స్, పోస్టర్స్, టీజర్ కు ఆడియన్స్ నుండి అదిరిపోయే రెస్పాన్స్ వచ్చింది. ఇక ఈ కాంబోలో వస్తున్న మూడో సినిమా కావడంతో ఈ ప్రాజెక్టుపై భారీ అంచనాలున్నాయి. అందుకే ఈ సినిమా కోసం ప్రేక్షకులు మరీ ముఖ్యంగా సూపర్ స్టార్ ఫ్యాన్స్ ఈగర్ గా వెయిట్ చేస్తున్నారు. అందుకే ఈ సినిమా నుండి వస్తున్న చిన్న అప్డేట్ అయినా కక్షణాల్లో వైరల్ అవుతోంది. దాదాపు షూటింగ్ కంప్లీట్ చేసుకున్న ఈ సినిమా 2024 సంక్రాంతి కానుకగా ప్రేక్షకుల ముందుకు రానుంది.
ఇదిలా ఉంటే.. ఈ సినిమా తరువాత త్రివిక్రమ్ ఐకాన్ స్టార్ అల్లు అర్జున్ తో సినిమా ప్లాన్ చేశారు. ఇప్పటికే అఫీషియల్ అనౌన్స్మెంట్ కూడా వచ్చేసింది. ఈ సినిమా గురించి తాజాగా ఓ న్యూస్ వైరల్ అవుతోంది. అదేంటంటే.. ఈ సినిమాలో అల్లు అర్జున్ కు జోడీగా త్రిషను తీసుకుంటున్నారట త్రివిక్రమ్. కథల్లో పాత్రకు తగ్గ బలం చేకూరేలా త్రిష నటన ఉంటుందని ఆమెను ఓకే చేసినట్లు సమాచారం. అయితే ఈ సెలెక్షన్ పై అల్లు అర్జున్ ఫ్యాన్స్ మాత్రం అసంతృప్తిగా ఉన్నారట. బన్నీ పక్కన త్రిష అక్కలా కనిపిస్తుందని, మరోసారి ఆలోచించండి గురూజీ అంటూ కామెంట్స్ పెడుతున్నారు ఫ్యాన్స్. మరి ఫ్యాన్స్ చేస్తున్న కామెంట్స్ పై మూవీ టీమ్ ఎలా స్పదించనున్నారు? అసలు ఈ సినిమా కోసం త్రిషను తీసుకోవడం నిజమేనా? అనేది తెలియాల్సి ఉంది.
