- టీఆర్పీ అధినేత తీన్మార్ మల్లన్న
షాద్ నగర్:రిజర్వేషన్ల పేరుతో బీసీలను విడదీస్తూ మోసం చేస్తున్నారని టీఆర్పీ అధ్యక్షుడు, ఎమ్మెల్సీ తీన్మార్ మల్లన్న ఆరోపించారు. బుధవారం షాద్‌‌‌‌నగర్ పట్టణంలో జిల్లా యూత్ విభాగం అధ్యక్షుడు శ్రీధర్ వర్మ ఆధ్వర్యంలో ఏర్పాటు చేసిన బీసీ మహాసభలో ఆయన మాట్లాడారు. బీసీల చైతన్యమే భవిష్యత్తు రాజకీయ దిశను నిర్ణయిస్తుందన్నారు. రాబోయే మూడేళ్లలో తెలంగాణలో బీసీలదే రాజ్యాధికారమని ధీమా వ్యక్తం చేశారు.
బీసీల హక్కుల టీఆర్పీ పోరాడుతుందన్నారు. చరిత్రలో వివిధ పార్టీల జెండాలు మోశామని, ఇప్పుడు బీసీల జెండాలు మోస్తున్నామని అన్నారు. అగ్రవర్ణ కులాలు తమపై కుట్రలు చేస్తే తిరుగుబాటు తప్పదని హెచ్చరించారు. అంతకుముందు పలువురు టీఆర్పీలో చేరారు.
