- ఆ ప్రతిపాదన తమకు ఓటమిగా కనిపిస్తుందన్న యూఎస్
న్యూయార్క్: మూడు దశలతో ఇరాన్ చేసిన కొత్త శాంతి ప్రపోజల్ను అమెరికా అధ్యక్షుడు డొనాల్డ్ట్రంప్ తిరస్కరించారు. అణు చర్చలు చివరి దశలో చేర్చడం సరికాదని.. ముందుగా ఆ అంశంపైనే చర్చలు జరగాలనే అభిప్రాయం వ్యక్తం చేసినట్టు సమాచారం. ఇలాంటి ప్రపోజల్ ప్రకారం వెళ్లి ఇరాన్తో ఒప్పందం చేసుకుంటే అది యూఎస్ ఓటమిగా కనిపిస్తుందని అమెరికా అధికారుల్లో కొందరు చెప్తున్నారు.
ఫస్ట్ స్టేజ్లో కాల్పుల విరమణతో యుద్ధాన్ని పూర్తిగా ఆపేయడం, రెండో దశలో హార్మూజ్ జలసంధిని తెరవడం, మూడో స్టేజ్లో అణు అంశంపై చర్చలు అని ఇరాన్ ప్రపోజల్లో పేర్కొన్న సంగతి తెలిసిందే. ఈ ప్రతిపాదనలపై సోమవారం వైట్ హౌస్ సిచ్యుయేషన్ రూమ్లో తన సలహాదారులతో ట్రంప్ చర్చించారు. గత వారం కూడా ఇరాన్ పంపిన ఒక ప్రతిపాదనను ట్రంప్ తోసిపుచ్చుతూ.. ఇస్లామాబాద్లో జరగాల్సిన శాంతి చర్చలను రద్దు చేసిన సంగతి తెలిసిందే.
అయితే అమెరికా అధికారుల్లో ఈ విషయంపై భిన్నాభిప్రాయాలు ఉన్నాయి. రెండు నెలలు జలసంధి మూసివేస్తే ఇరాన్ చమురు రంగానికి తీవ్ర నష్టం కలుగుతుందని, అప్పుడు ఇరాన్ ఒప్పందానికి అంగీకరిస్తుందని కొందరు అధికారులు అంచనా వేస్తున్నారు. మరికొందరు అధికారులు ఈ అంచనా తప్పు అని, ఇరాన్ స్థానం బలంగా ఉందని అంటున్నారు. ‘‘ఇరాన్ తరఫున చర్చలకు వచ్చే ప్రతినిధులు కేవలం మాట్లాడడానికే వస్తారు. ‘ఓకే, ఈ షరతుకు ఒప్పుకుంటాం’ అని చెప్పే స్వేచ్ఛ వారికి లేదు. అసలు నిర్ణయం ఇరాన్ సుప్రీం లీడర్ ఖమేనీ చేతుల్లో ఉంటుంది. అతను అనుమతి ఇస్తేనే ఒప్పందం జరుగుతుంది” అని వైట్ హౌస్ ప్రతినిధి ఒలీవియా వెల్స్ తెలిపారు.
