గోదావరిఖని, వెలుగు: బొగ్గు గనుల వేలంతో ప్రభుత్వ రంగ సంస్థలకు నష్టం జరుగుతోందని సీఐటీయూ రాష్ట్ర అధ్యక్షుడు తుమ్మల రాజారెడ్డి వాపోయారు. సోమవారం గోదావరిఖని ప్రెస్ క్లబ్లో ఏర్పాటు చేసిన సమావేశంలో మాట్లాడుతూ బొగ్గు గనులను ప్రైవేటు వారికి కట్టబెట్టేలా తెచ్చిన వేలం విధానం వల్ల సింగరేణికి, కోల్ ఇండియాకు భవిష్యత్తు లేకుండా పోతుందని ఆవేదన వ్యక్తం చేశారు.
తాజాగా మణుగూరులోని పీకేఓసీ డిప్సైడ్ ఎక్స్టెన్షన్ టూ బ్లాక్ను వేలంలో చేర్చినట్లు చెప్పారు. వేలంలో పాల్గొన్న సంస్థలకు రాష్ట్ర ప్రభుత్వమే అన్ని అనుమతులు ఇవ్వాల్సి ఉంటుందని, అందువల్ల తమ వంతు బాధ్యతగా ఆ సంస్థలను హెచ్చరించి బిడ్డింగ్లో పాల్గొనకుండా చూడాలన్నారు.
