న్యూఢిల్లీ: ఇండియన్ కంపెనీ టీవీఎస్ మోటార్స్ ప్రపంచంలోనే మూడో అతిపెద్ద టూవీలర్ల తయారీ కంపెనీగా ఎదిగింది. మార్కెట్ క్యాప్ పరంగా యమహా మోటార్స్ను అధిగమించింది. టీవీఎస్ మోటార్ కంపెనీ మార్కెట్ క్యాపిటలైజేషన్ గత ఆరు నెలల్లో 37 శాతం పెరిగి 9.2 బిలియన్ డాలర్లకు ఎగసింది. మరోవైపు జపనీస్ కంపెనీ యమహా మార్కెట్ క్యాప్ ఈ ఏడాది ఆగస్టు నుంచి 1.6 బిలియన్ డాలర్లు తగ్గింది.
శుక్రవారం నాటికి ఈ కంపెనీ మార్కెట్ క్యాపిటలైజేషన్ 8.8 బిలియన్ డాలర్లుగా ఉంది. ఇది టీవీఎస్ మోటార్ మార్కెట్ క్యాప్ కంటే 348 మిలియన్ డాలర్లు తక్కువ. మార్కెట్ క్యాప్ పరంగా గ్లోబల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా టాప్‌ 5 టూవీలర్ల తయారీ కంపెనీల్లో నాలుగు ఇండియా నుంచే ఉన్నాయి. 19 బిలియన్ డాలర్ల మార్కెట్ క్యాప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో బజాజ్ ఆటో టాప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కొనసాగుతోంది. 11.5 బిలియన్ డాలర్లతో ఐషర్ మోటార్స్ రెండో ప్లేస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో, 8 బిలియన్ డాలర్లతో ఐదో ప్లేస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో హీరో మోటో కొనసాగుతున్నాయి.
