ముంబై: మహారాష్ట్ర రాజధాని ముంబైలో రైలు ప్రమాదం జరిగింది. సబర్బన్ రైలు ఢీకొని ఇద్దరు వ్యక్తులు మరణించారు. మరో ముగ్గురు తీవ్రంగా గాయపడ్డారని అధికారులు తెలిపారు. గురువారం (నవంబర్ 6) రాత్రి 7 గంటల ప్రాంతంలో ముంబైలోని శాండ్‌హర్స్ట్, ఛత్రపతి శివాజీ టెర్మినస్ (CST) రైల్వే స్టేషన్ల మధ్య ఈ దుర్ఘటన చోటు చేసుకుంది. సమాచారం అందుకున్న పోలీసులు, రైల్వే అధికారులు హుటాహుటిన ఘటన స్థలానికి చేరుకుని సహయక చర్యలు చేపట్టారు.
క్షతగాత్రులను ఆసుపత్రులకు తరలించారు. ఈ రైల్వే పోలీసులు ఈ ఘటనపై కేసు నమోదు చేసుకుని దర్యాప్తు చేపట్టారు. కాగా, 2025, జూన్ 9న ముంబ్రా రైలు ప్రమాదం జరిగిన విషయం తెలిసిందే. ఈ ఘటనలో నలుగురు మరణించగా.. పలువురు తీవ్రంగా గాయపడ్డారు. ఈ ప్రమాదానికి బాధ్యులుగా ఇద్దరు రైల్వే అధికారులపై పోలీసులు కేసు నమోదు చేశారు.
►ALSO READ | నకిలీ గుర్తింపులు, మృతుల పేర్లు, డేటా లోపాలు..బ్రెజిలియన్ ముఖం హర్యానాలో ఓటర్‌గా ఎలా మారింది?
ఈ కేసును వ్యతిరేకిస్తూ సెంట్రల్ రైల్వే ఉద్యోగులకు ప్రాతినిధ్యం వహిస్తున్న యూనియన్లు గురువారం (నవంబర్ 6) సాయంత్రం రద్దీగా ఉండే ఛత్రపతి శివాజీ మహారాజ్ టెర్మినస్‌లో ఆందోళన చేపట్టి దాదాపు గంటసేపు సబర్బన్ లోకల్ రైలు కార్యకలాపాలను నిలిపివేశారు. ఈ నిరసన కారణంగా రైళ్లలో రద్దీ పెరిగి శాండ్‌హర్స్ట్ రైల్వే స్టేషన్ సమీపంలో ప్రమాదం జరిగినట్లు అధికారులు వెల్లడించారు. కాగా, ఇటీవలే ఛత్తీస్ గఢ్లో ఘోర రైలు ప్రమాదం జరిగిన విషయం తెలిసిందే. ప్యాసింజర్ ట్రైన్, గూడ్స్ రైలు ఢీకొని 11 మంది చనిపోయారు.
