- బిల్డింగ్ కట్టుకోవడానికి రూ.4 లక్షలడిగిన జీహెచ్‌‌‌‌‌‌‌‌ఎంసీ టౌన్ ప్లానింగ్ సూపర్వైజర్
గండిపేట, వెలుగు: ఎల్బీనగర్లో ఓ ఫిజియోథెరపీ సెంటర్‌‌‌‌‌‌‌‌ను తిరిగి ప్రారంభించేందుకు అనుమతించే విషయంలో రూ.2 లక్షలు లంచం డిమాండ్ చేసిన రంగారెడ్డి జిల్లా డీఎంహెచ్వో డాక్టర్ స్వర్ణకుమారి ఏసీబీకి చిక్కారు. ఎల్బీనగర్ పరిధిలో సరైన లైసెన్స్ లేదని ఇటీవల ఒక ఫిజియోథెరపీ సెంటర్‌‌‌‌‌‌‌‌ను సీజ్ చేశారు.
రీ-ఓపెన్ చేయడానికి, కొత్త లైసెన్స్ మంజూరు చేయడానికి డీఎంహెచ్వో రూ. 2 లక్షలు డిమాండ్ చేశారు. మొదటి విడతగా రూ. లక్ష ఇచ్చేందుకు ఒప్పందం జరిగింది. బాధితుడు ఏసీబీని ఆశ్రయించడంతో ఏసీబీ డీఎస్పీ శ్రీధర్ ఆధ్వర్యంలో స్పెషల్టీమ్ నిఘా పెట్టింది.
డీఎంహెచ్వో సూచనలతో బాధితుడు రూ.లక్షను ఎల్బీనగర్లో హెల్త్ ఇన్స్పెక్టర్ శ్రీనివాస్‌‌‌‌‌‌‌‌కు ఇవ్వగా, అతడు డీఎంహెచ్వో ప్రైవేట్ కార్ డ్రైవర్ మద్దూరి కృష్ణయ్యకు ఇవ్వగా ఏసీబీ రెడ్ హ్యాండెడ్‌‌‌‌‌‌‌‌గా పట్టుకుంది. కలెక్టరేట్ ఆవరణలో ఉన్న డీఎంహెచ్వో ఆఫీసులో రైడ్స్చేశారు.
డీఎంహెచ్వో స్వర్ణకుమారితో పాటు , హెల్త్ ఇన్స్పెక్టర్ శ్రీనివాస్, డ్రైవర్ కృష్ణయ్యను అదుపులోకి తీసుకున్నారు. అబ్దుల్లాపూర్మెట్లోని డీఎంహెచ్‌‌‌‌‌‌‌‌ఓ ఇంట్లోనూ సోదాలు చేసి కీలకమైన దస్తావేజులు స్వాధీనం చేసుకున్నట్లు తెలుస్తోంది.
బిల్డింగ్ కట్టుకో.. ఏమన..
మెహిదీపట్నం: ఓ భవన నిర్మాణదారుడి నుంచి రూ.4 లక్షల లంచం తీసుకుంటూ జీహెచ్‌‌‌‌‌‌‌‌ఎంసీ టౌన్ ప్లానింగ్ సూపర్వైజర్ ఏసీబీకి దొరికారు. గోల్కొండ జోన్ (సర్కిల్-33) మెహిదీపట్నం ఆఫీసులో టౌన్ ప్లానింగ్ సూపర్‌‌‌‌‌‌‌‌వైజర్‌‌‌‌‌‌‌‌గా పనిచేస్తున్న తులసీరామ్ సునీత ఓ భవన నిర్మాణాన్ని అడ్డుకోకుండా ఉండేందుకు లంచం డిమాండ్ చేశారు.
జీహెచ్‌‌‌‌‌‌‌‌ఎంసీ డిప్యూటీ కమిషనర్ ఇప్పటికే స్పీకింగ్ ఆర్డర్స్ జారీ చేసినప్పటికీ, వాటిని పట్టించుకోకుండా ఉండేందుకు, భవిష్యత్తులో సహకరించేందుకు రూ. 8 లక్షలు డిమాండ్ చేశారు. బాధితుడి ఫిర్యాదుతో సోమవారం మొదటి విడతగా రూ. 4 లక్షల లంచం సొమ్ము తీసుకుంటుండగా సునీతను ఏసీబీ సిటీ రేంజ్-1 అధికారులు రెడ్ హ్యాండెడ్‌‌‌‌‌‌‌‌గా పట్టుకున్నారు. ఈ డబ్బే కాకుండా ఆమె వద్ద సరైన ఆధారాలు లేని మరో రూ. రెండున్నర లక్షలను స్వాధీనం చేసుకున్నారు.
