నిర్మల్,వెలుగు:నిర్మల్ జిల్లా మీదుగా వెళ్తున్న రెండు నేషనల్ హైవేలు, మరో స్టేట్ హైవే నిర్వహణకు ఇబ్బందులు తప్పేలా లేవు.. నాలుగు వైపుల విస్తరించిన నేషనల్, స్టేట్ హైవేల కారణంగా అంతర్రాష్ట్ర కనెక్టివిటీ విస్తరించింది. మహారాష్ట్ర, ఆంధ్రప్రదేశ్, ఛత్తీస్గఢ్, ఒడిశాకు హైవేలు కలుస్తున్నందున రవాణా, ఎగుమతి, దిగుమతి సౌకర్యాలు పెరిగాయి. హైదరాబాద్ టు ఆదిలాబాద్ నేషనల్హైవే 44, మహారాష్ట్రలోని కళ్యాణ్ నుంచి నిర్మల్ వరకు ఉన్న హైవే 61ను నిర్మల్లోని నేషనల్ హైవే అథారిటీ డైరెక్టర్ ఆఫీస్ నుంచి పర్యవేక్షించేవారు. నిర్మల్ నుంచి ఖానాపూర్వరకు నిర్మిస్తున్న స్టేట్ హైవే, బోధన్ టు భైంసా వరకు చేపట్టనున్న స్టేట్హైవే పనులను ఆజమాయిషీ చేసేవారు. సాంకేతిక పరమైన సహకారం అందించేవారు. అవసరమైన చోట్ల మరమ్మతులు, ఆధునికీకరణ పనులు చేపట్టేవారు. ఎలాంటి చిన్న ఇబ్బందులైనా.. తొందరగా పరిష్కారానికి నోచుకునేది. ఎన్ హెచ్ఏఐ పీడీ ఆఫీస్ను ఉన్నతాధికారులు కామారెడ్డికి తరలించడంతో నిర్వహణ పనులకు ఆటంకాలు ఏర్పడే అవకాశాలు ఉన్నాయని రవాణారంగ నిపుణులు పేర్కొంటున్నారు.
రెండు స్టేట్ హైవేలకు ఇబ్బందులే...
నేషనల్ హైవే అథారిటీ డైరెక్టర్ ఆఫీస్ తరలిపోవడంతో నిర్మల్ నుంచి ఖానాపూర్ వరకు నిర్మిస్తున్న స్టేట్ హైవే 61, బోధన్ -నుంచి బాసర మీదుగా భైంసా వరకు ఉన్న మరో స్టేట్హైవే నిర్మాణ పనులకు టెక్నికల్ఇబ్బందులు తలెత్తే అవకాశం ఉంది. బోధన్– -భైంసా హైవే పనులకు ఇటీవల టెండర్ ప్రక్రియ పూర్తయ్యింది. నేషనల్ హైవే తరహాలో నిర్మించనున్న ఈ రోడ్డుకు రూ.520 కోట్లు ఖర్చు చేస్తున్నారు. నిర్మల్– ఖానాపూర్వరకు నిర్మిస్తున్న మరో స్టేట్హైవే కోసం రూ. వంద కోట్లు రిలీజ్చేశారు. ఈ రెండు హైవేల కోసం ఆర్అండ్బీ ఆఫీసర్లు నేషనల్ హైవే అథారిటీ నుంచి టెక్నికల్సహకారం తీసుకుంటున్నారు. క్వాలిటీపై సూచనలు, సలహాలు పాటిస్తున్నారు. ఇక్కడి ఆఫీస్ కామారెడ్డికి తరలిపోవడంతో ఈ ప్రాంతంలో రాష్ట్ర ప్రభుత్వం నిర్మిస్తున్న హైవేల నిర్వహణ, ఇతర పనులు తూతూమంత్రంగా సాగే అవకాశాలు ఉన్నాయి. పనుల్లో క్వాలిటీ దెబ్బతినే అవకాశాలు లేకపోలేదు.
పాలన సౌలభ్యం కోసమే
పాలన సౌలభ్యం కోసమే ఎన్హెచ్ఏఐ పీడీ ఆఫీస్ను కామారెడ్డికి తరలిస్తున్నారు. ఆఫీస్తరలింపుతో రోడ్ల నిర్వాహణకు పెద్దగా ఇబ్బందులు ఏమీ ఉండవు. కామారెడ్డి ఏరియాలే సిక్స్లేన్పనులు కొనసాగుతున్నాయి. వాటి పర్యవేక్షణ, నిర్వహణ చేపట్టాల్సి ఉంది. నిర్మల్ఏరియాలోని హైవేలను కన్సల్టెన్సీ సర్వీసులు చూసుకుంటాయి. నిర్మల్టు ఖానాపూర్వరకు నిర్మిస్తున్న స్టేట్హైవే పనులు, బోధన్టు భైంసా హైవే పనులకు ఎలాంటి ఇబ్బందులు రాకుండా చూస్తాం.
– సుభాష్, డీఈ నేషనల్ హైవే ఆర్అండ్బీ, నిర్మల్
