![మహిళా కానిస్టేబుళ్ల ధైర్యానికి హ్యాట్సాఫ్...](https://static.v6velugu.com/uploads/2023/01/Two-Women-Cops-Stopped-Bank-Robbery-In-Bihar_dE87RZMWuj.jpg)
బీహార్ లో ఇద్దరు మహిళా కానిస్టేబుళ్లు బ్యాంకు దోపిడికి ప్రయత్నించిన ఓ ముఠా ఆట కట్టించారు. వారితో కొట్లాడి బ్యాంక్ దోపిడిని అడ్డుకున్నారు. ఈ ఘటనకు సంబంధించిన వీడియో ఇపుడు సోషల్ మీడియాలో వైరల్ అవుతోంది.
సెందూరి చౌక్ లోని గ్రామీణ బ్యాంకులో బుధవారం ముగ్గురు దొంగలు బ్యాంకు దోపిడికి ప్రయత్నించారు. బ్యాంకులోకి వెళ్లగానే ఓ వ్యక్తి గన్ తో బెదిరించాడు. వెంటనే ఇద్దరు మహిళా కానిస్టేబుళ్లు శాంతికుమారి, జుహీ కుమారి తమ దగ్గర ఉన్న గన్ లతో దొంగలపై ఎక్కుపెట్టారు. దీంతో వారు కానిస్టేబుళ్ళపై ఎదురు దాడి చేశారు. అయితే భయపడిన దొంగలు అక్కడి నుంచి పారిపోయారు. ఈ ఘటనలో కానిస్టేబుల్ జుహీ కుమారికి గాయాలయ్యాయి. ధైర్యంతో బ్యాంక్ దోపిడిని అడ్డుకున్న ఇద్దరు మహిళా కానిస్టేబుళ్లను సీనియర్ పోలీస్ అధికారి ఓం ప్రకాశ్ ప్రశంసించారు. ఎలాంటి కాల్పులు జరపకుండా వారితో పోరాడారని.. కానిస్టేబుళ్లకు రివార్డ్ ప్రకటిస్తామని చెప్పారు.