న్యూఢిల్లీ : యూకో బ్యాంక్ నికర లాభం జూన్తో ముగిసిన మొదటి క్వార్టర్లో 80 శాతం గ్రోత్తో రూ. 223 కోట్లకు చేరింది. బ్యాడ్లోన్లు తగ్గడం వల్లే లాభం పెరిగిందని బ్యాంకు వెల్లడించింది. అంతకు ముందు ఏడాది క్యూ1 లో యూకో బ్యాంకుకు రూ. 124 కోట్ల నికర లాభం వచ్చింది. మొదటి క్వార్టర్లో మొత్తం ఆదాయం కూడా రూ. 5,857 కోట్లకు పెరిగింది. జూన్ 2022 క్వార్టర్లో బ్యాంకు మొత్తం ఆదాయం రూ. 3,851 కోట్లే. జూన్ 2022 క్వార్టర్లోని 7.42 శాతం నుంచి గ్రాస్ నాన్పెర్ఫార్మింగ్ అసెట్లు తాజా క్వార్టర్లో 4.48 శాతానికి తగ్గిపోయాయి.
అంటే బ్యాంకు అసెట్ క్వాలిటీలో మంచి మెరుగుదలను సాధించింది. నెట్ఎన్‌‌పీఏలు సైతం 2.49 శాతం నుంచి 1.18 శాతానికి తగ్గాయి. బ్యాడ్లోన్లకు ప్రొవిజన్లు మాత్రం రూ. 389 కోట్లకు పెరిగినట్లు యూకో బ్యాంకు తెలిపింది. క్యాపిటల్ యాడిక్వసీ రేషియో అంతకు ముందు ఏడాది జూన్ క్వార్టర్లోని 14.13 శాతం నుంచి జూన్ 2023 క్వార్టర్లో 16.85 శాతానికి పెరిగినట్లు పేర్కొంది. ఉద్యోగుల జీతాల పెంపుదల కోసం తాజా క్వార్టర్లో రూ. 90 కోట్ల ప్రొవిజన్ చేసినట్లు యూకో బ్యాంకు వివరించింది.
