కోల్కత్తా: యూకో బ్యాంకు నికర లాభం ఈ ఏడాది సెప్టెంబర్ క్వార్టర్లో 145 శాతం పెరిగి రూ. 504.52 కోట్లకు చేరింది. అంతకు ముందు ఏడాది సెప్టెంబర్ క్వార్టర్లో ఈ లాభం రూ. 205.4 కోట్లు మాత్రమే. తాజా క్యూ2లో ఆపరేటింగ్ లాభం అంతకు ముందు ఏడాది క్యూ2 లోని రూ. 1,334.2 కోట్ల నుంచి రూ. 1,190 కోట్లకు తగ్గిపోయినట్లు యూకో బ్యాంకు రెగ్యులేటరీ ఫైలింగ్లో తెలిపింది.
ప్రాంప్ట్ కరెక్టివ్ యాక్షన్ (పీసీఏ) నుంచి బయటకొచ్చాక ఇటీవలి కాలంలో ఇదే తమ బెస్ట్ క్వార్టర్లీ రిజల్ట్‌ అని మేనేజింగ్ డైరెక్టర్ ఎస్ ఎస్ ప్రసాద్ చెప్పారు. బ్యాంకు మొత్తం బిజినెస్ రూ. 3,77,304 కోట్లకు చేరిందని, ఇచ్చిన అప్పులు రూ. 1,42,156 కోట్లని ఆయన పేర్కొన్నారు. రెండో క్వార్టర్ చివరి నాటికి క్యాపిటల్ అడిక్వసీ రేషియో 14.02 శాతానికి అంటే కొద్దిగా తగ్గిందని వివరించారు. సెప్టెంబర్ 2022 క్వార్టర్లో ఎన్పీఏలు తగ్గాయని ప్రసాద్ వెల్లడించారు.
