లండన్, కీవ్: ఉక్రెయిన్తో జరుగుతున్న యుద్ధంలో ఫైట్ చేసేందుకు రష్యా కిరాయి సైనికులపై ఆధారపడుతోందని బ్రిటన్ పేర్కొంది. ఇప్పటికే వాగ్నర్ గ్రూప్ నుంచి వెయ్యి మంది ఫైటర్లను తూర్పు ఉక్రెయిన్లోకి పంపించిందని, సిరియన్లను కూడా రిక్రూట్ చేసుకోవడానికి ప్రయత్నాలు చేస్తోందని తెలిపింది. ఇవన్నీ చూస్తుంటే.. ఉక్రెయిన్లో రష్యా సైనికులు పెద్ద సంఖ్యలోనే చనిపోయారని తెలుస్తోందని బ్రిటన్ డిప్యూటీ పీఎం డామినిక్ రాబ్ చెప్పారు.
రాత్రంతా దాడులే.. చెర్నిహివ్ గవర్నర్
కీవ్, చెర్నిహివ్ సిటీల నుంచి తమ బలగాలను వాపస్ తీసుకుంటామన్న హామీకి రష్యా కట్టుబడి ఉండట్లేదని చెర్నిహివ్ రీజియన్ గవర్న ర్ ఆరోపించారు. మంగళవారం రాత్రంతా రష్యా దాడులు కొనసాగించిందన్నారు.