- ‘సర్వెంట్’ బ్రజేశ్ పాఠక్!
- ట్విట్టర్ లో పేరు మార్చుకున్న యూపీ డిప్యూటీ సీఎం
లక్నో : సమాజ్వాదీ పార్టీ చీఫ్, మాజీ సీఎం అఖిలేశ్ యాదవ్ కామెంట్లను తిప్పికొడుతూ యూపీ డిప్యూటీ సీఎం ట్విట్టర్లో తన పేరును ‘సర్వెంట్ బ్రజేశ్ పాఠక్’ అని మార్చుకున్నారు. ‘అఖిలేశ్ రాజు. ఆయన రాయల్ ఫ్యామిలీ నుంచి వచ్చారు. నేను మాత్రం ప్రజలకు సేవకుడిని’ అని ట్వీట్ చేశారు. అక్టోబర్ 11న జయ ప్రకాశ్ నారాయణ్జయంతి సందర్భంగా ఆయన విగ్రహానికి పూలమాల వేసి నివాళి అర్పించేందుకు లక్నోలోని జేపీ నారాయణ్ ఇంటర్నేషనల్ సెంటర్ (జేపీనిక్)కు అఖిలేశ్ వెళ్లారు. తాళం వేసి ఉండడంతో గేటు దుంకారు.
దీనిపై బ్రజేశ్పాఠక్ స్పందిస్తూ ‘‘చట్టాన్ని అతిక్రమించడాన్ని అమితంగా ఇష్టపడే.. అరాచక సమాజ్వాదీల తీరు ఇట్లానే ఉంటుంది. బాగా గోడలు దూకుతున్న అఖిలేశ్జీ ఏషియన్ గేమ్స్లోకి వెళ్తే మరిన్ని పతకాలు వచ్చేవి” అని అన్నారు. ఈ కామెంట్లపై రియాక్ట్అయిన అఖిలేశ్ యాదవ్ ‘నేను సర్వెంట్ల కామెంట్లపై స్పందించను’ అని అన్నారు.
దీనికి శుక్రవారం బ్రజేశ్పాఠక్ ట్విట్టర్లో స్పందించారు. తన ట్విట్టర్ అకౌంట్ పేరును ‘సర్వెంట్ బ్రజేశ్ పాఠక్’ అని మార్చుకున్నారు. ‘అఖిలేశ్ గుండెల్లోంచి వచ్చిన మాటల ఆధారంగా నేను స్పందిస్తున్న. ఆయన అన్నది నిజమే. నేను సర్వెంట్నే.. డిప్యూటీ సీఎంగా ప్రజలకు సేవకుడిగానే పనులు చేస్తున్నాను’ అని కౌంటర్ ఇచ్చారు.
