వాల్ మార్ట్ పై విమానాన్ని కూలుస్తనని.. బెదిరించిండు

వాల్ మార్ట్ పై విమానాన్ని కూలుస్తానని.. బెదిరిస్తూ అమెరికాలో పైలట్  దాదాపు  3 గంటల పాటు  బీభత్సం సృష్టించాడు. మిసిసిప్పి రాష్ట్రంలోని  టుపెలో సిటీలో ఈ ఘటన జరిగింది. పైలట్  బెదిరింపులతో  పోలీసులు, ఇతర  అధికారులు అప్రమత్తమై  వాల్ మార్ట్ తో పాటు సమీపంలోని  స్టోర్ల నుంచి  సిబ్బంది, ప్రజలను ఇతర ప్రాంతాలకు  పంపించారు. ఉదయం  5 గంటల సమయంలో  టుపెలో ఎయిర్ పోర్టు  నుంచి తొమ్మిది  సీట్లు ఉండే చిన్న విమానాన్ని పైలట్ తీసుకుపోయాడని... 3 గంటలకు పైగా గాలిలోనే చక్కర్లు కొట్టాడని పోలీసులు తెలిపారు. 8 గంటల  తర్వాత  పైలట్  విమానాన్ని బ్లూస్ప్రింగ్స్  సిటీ  సమీపంలో ల్యాండ్  చేశాడు. వెంటనే నిందితుడిని  పోలీసులు అరెస్టు  చేశారు.