H1B ఫీజు పెంపుపై అమెరికాలో తీవ్ర వ్యతిరేకత వస్తోంది. వీసా ఫీజు పెంపుతో ఐటీ పరిశ్రమకు తీరని నష్టమని అమెరికా లామేకర్స్ఆందోళన వ్యక్తం చేస్తున్నారు. శనివారం(సెప్టెంబర్ 20) H1B వీసా దరఖాస్తులపై లక్ష డాలర్ల ఫీజు విధించాలని అమెరికా అధ్యక్షుడు డొనాల్డ్ ట్రంప్తీసుకున్న నిర్ణయం దురదృష్టకరం, నిర్లక్ష్యంతో కూడినదని, ఇది అమెరికాపై తీవ్ర ప్రతికూల ప్రభావాలను చూపుతుందని లామేకర్స్తీవ్రంగా వ్యతిరేకించారు.
ట్రంప్ నిర్ణయం ఎంతోకాలంగా బలోపేతం చేస్తూ వచ్చిన శ్రామిక శక్తిని నిర్వీర్యం చేసే ప్రయత్నం, లక్షాలాది మంది అమెరికన్లకు ఉపాధి కల్పించే పరిశ్రమలను స్థాపించం సాయపడిన హైలెవెల్ స్కిల్స్ ఉన్న టెక్ నిపుణులనుంచి అమెరికాను వేరు చేసేందుకు డొనాల్డ్ట్రంప్ చేస్తున్న నిర్లక్ష్యపు నిర్ణయం అని అమెరికా కాంగ్రెస్ సభ్యులు రాజా కృష్ణమూర్తి చెప్పారు.
చాలామంది H1B వీసాతో వచ్చి అమెరికా పౌరులుగా సెటిలై మంచి జీతం ఇచ్చే ఉద్యోగాలను సృష్టించే బిజినెస్ లను ప్రారంభిస్తారు.. ఇతర దేశాలు ప్రతిభ ఉన్న టెకీలను ఆకర్షించే ప్రయత్నం చేస్తుంటే ట్రంప్ మాత్రం వీసా నిబంధనలతో స్కిల్స్ ను అడ్డుకుంటున్నారని లామేకర్స్ అంటున్నారు.
అమెరికా తన శ్రామిక శక్తి బలోపేతం చేసి, వలస వ్యవస్థను ఆధునీకరించాలి.. అంతేగానీ ఆర్థిక వ్యవస్థను, భద్రతను బలహీనపర్చే నిర్ణయాలు తీసుకోవద్దని ట్రంప్ కు సూచించారు.
H1B వీసా ఫీజు విధించాలనే ట్రంప్నిర్ణయం అమెరికా టెక్నాలజీ రంగాన్ని సంక్షోభంలో పడేస్తుందని అమెరికా మాజీ అధ్యక్షుడు జో బైడెన్ మాజీ సలహాదారు అజయ్ భూటోరియా అన్నారు. ఇది ప్రపంచవ్యాప్తంగా పెరుగుతున్న టెక్నాలజీరంగంలో పోటీలో అమెరికా వెనకబడే ప్రమాదం ఉందని హెచ్చరించారు.
