FIFA World Cup 2026, USA vs Paraguay: ఆతిథ్య దేశం అమెరికా (USA) కూడా ఫిఫా వరల్డ్ కప్ 2026 లో కిర్రాక్ బోణీ కొట్టింది. ఈరోజు తెల్లవారుజామున (శనివారం) జరిగిన గ్రూప్ మ్యాచ్లో యూఎస్ఏ అటాకింగ్ తో పరాగ్వేను 4–1 గోల్స్ తేడాతో చిత్తు చేసింది. అమెరికా స్టార్ ప్లేయర్స్ క్రిస్టియన్ పులిసిచ్, ఫోలరిన్ బలోగన్లు మైండ్ బ్లాక్ అయ్యే పర్ఫార్మెన్స్తో పరాగ్వే డిఫెన్స్ను ముక్కలు చేశారు.
స్టార్టింగ్ నుంచే అమెరికా అటాక్:
* మ్యాచ్ మొదలైన మొదటి నిమిషం నుంచే యూఎస్ఏ ప్లేయర్లు గ్రౌండ్లో చెలరేగిపోయారు. పరాగ్వేకు కోలుకునే ఛాన్స్ కూడా ఇవ్వకుండా గోల్స్ వర్షం కురిపించారు.
* ఓన్ గోల్ (7వ నిమిషం): మ్యాచ్ 7వ నిమిషంలోనే క్రిస్టియన్ పులిసిచ్ ఇచ్చిన అద్భుతమైన పాస్ను వెస్టన్ మెక్కెన్నీ అందుకోబోయాడు. అయితే ఆ బాల్ను అడ్డుకునే క్రమంలో పరాగ్వే డిఫెండర్ డామియన్ బొబాడిల్లా పొరపాటున తన స్వంత నెట్కే (Own Goal) కొట్టేశాడు. దీంతో అమెరికాకు 1–0 లీడ్ లభించింది.
* బలోగన్ డబుల్ ధమాకా (31వ, 90+8వ నిమిషం): 31వ నిమిషంలో పులిసిచ్ ఇచ్చిన సూపర్ క్రాస్ను ఫోలరిన్ బలోగన్ గోల్గా మలిచి లీడ్ను రెట్టింపు చేశాడు. ఇక మ్యాచ్ ముగుస్తుందనగా (90+8వ నిమిషం) ఇద్దరు డిఫెండర్లను ముప్పుతిప్పలు పెడుతూ బలోగన్ తన పర్సనల్ సెకండ్ గోల్ సాధించాడు.
* రెైనా వండర్ గోల్: మ్యాచ్ ఆఖర్లో జియో రెైనా లాంగ్ డిస్టెన్స్ నుంచి బాల్ను టాప్ కార్నర్కు పంపి ఒక స్టన్నింగ్ గోల్ వేశాడు. పరాగ్వే తరఫున 73వ నిమిషంలో మారిసియో మెగల్హాస్ ఒక గోల్ చేసినా.. అది వాళ్ల ఓటమి భారాన్ని ఏమాత్రం తగ్గించలేకపోయింది.
* యూఎస్ఏ హెడ్ కోచ్ మారిసియో పొచెట్టినో.. టోర్నీ ముందుంది కాబట్టి వర్క్లోడ్ మేనేజ్మెంట్లో భాగంగా హాఫ్-టైమ్ లోనే స్టార్ ప్లేయర్ పులిసిచ్కు రెస్ట్ ఇచ్చి సెబాస్టియన్ బెర్హాల్టర్ను ఫీల్డ్లోకి దించాడు.
తదుపరి మ్యాచ్లు ఎప్పుడంటే?
గ్రూప్ స్టేజ్లో ఫస్ట్ మ్యాచ్ గెలిచి ఫుల్ జోష్లో ఉన్న అమెరికా.. జూన్ 20న సీటెల్ వేదికగా ఆస్ట్రేలియాతో తలపడనుంది. ఆ తర్వాత జూన్ 26న లాస్ యాంజిల్స్ స్టేడియంలో టర్కీతో లాస్ట్ గ్రూప్ మ్యాచ్ ఆడబోతుంది. మరోవైపు ఘోర పరాజయంతో టోర్నీని స్టార్ట్ చేసిన పరాగ్వే.. జూన్ 20న శాంటా క్లారాలో టర్కీని ఎదుర్కోనుంది.
కెనడా హిస్టారికల్ డ్రా:
మరో గ్రూప్ మ్యాచ్లో వరల్డ్ కప్ కో-హోస్ట్ అయిన కెనడా సరికొత్త చరిత్ర సృష్టించింది. బోస్నియా అండ్ హెర్జెగోవినాతో జరిగిన మ్యాచ్ను కెనడా 1–1తో డ్రా చేసుకుంది. మ్యాచ్ 78వ నిమిషంలో కెనడా ప్లేయర్ కైల్ లారిన్ కిర్రాక్ ఈక్వలైజర్ గోల్ కొట్టి టీమ్ను ఓటమి నుంచి కాపాడాడు. ఫిఫా వరల్డ్ కప్ హిస్టరీలోనే కెనడాకు ఇదే మొట్టమొదటి పాయింట్ కావడం విశేషం. దీనికంటే ముందు ఆడిన 6 వరల్డ్ కప్ మ్యాచుల్లోనూ కెనడా వరుసగా ఓడిపోయింది.
