గర్భిణులకు, బాలింతలకు వేయొద్దు
ఫస్ట్ డోస్ ఏ కంపెనీ వ్యాక్సిన్ వేస్తే.. సెకండ్ డోస్ కూడా అదే
కరోనా వ్యాక్సినేషన్పై కేంద్రం గైడ్లైన్స్
దేశవ్యాప్తంగా శనివారం నుంచి కరోనా వ్యాక్సినేషన్ స్టార్ట్ కానున్నందున శుక్రవారం కేంద్రం గైడ్లైన్స్ విడుదల చేసింది. ఎవరికి టీకా వేయాలి? ఎవరికి వేయొద్దు? తీసుకోవాల్సిన జాగ్రత్తలు ఏమిటి? అందులో వివరించింది. ఈ మేరకు అన్ని రాష్ట్రాలకు, కేంద్ర పాలిత ప్రాంతాలకు సెంట్రల్ హెల్త్ మినిస్ట్రీ లెటర్లు రాసింది. గైడ్లైన్స్లోని
ముఖ్యాంశాలు…
ఇవీ గైడ్లైన్స్
- గర్భిణులకు, బాలింతలకు వేయొద్దు. వీరిపై కరోనా వ్యాక్సిన్ క్లినికల్ ట్రయల్స్ ఇంతవరకు జరగలేదు.
- 18 ఏండ్లు దాటిన వారికి మాత్రమే వ్యాక్సినేషన్ ఉంటుంది. దీన్ని కచ్చితంగా పాటించాలి.
- కరోనా వ్యాక్సిన్ వేసుకున్న వారికి వేరే ఇతర వ్యాక్సిన్లు వేసుకోవాల్సిన అవసరం ఉంటే రెండు టీకాల మధ్య తప్పకుండా 14 రోజుల గ్యాప్ ఉండాలి.
- ఏ సంస్థకు చెందిన కరోనా వ్యాక్సిన్ ఫస్ట్ డోస్లో వేసుకుంటే.. రెండో డోస్లో కూడా అదే సంస్థ వ్యాక్సిన్ వేసుకోవాలి. ప్రస్తుతం దేశంలో కొవిషీల్డ్, కొవాగ్జిన్ వ్యాక్సిన్లకు అనుమతిచ్చారు. ఫస్ట్ డోస్లో కొవిషీల్డ్ వేసుకుంటే.. సెకండ్ డోస్లో కూడా అదే టీకా వేసుకోవాల్సి ఉంటుంది.
- వ్యాక్సిన్ వేసుకునేవారి హెల్త్ హిస్టరీని తప్పకుండా పరిగణనలోకి తీసుకోవాలి. వారికి మందులు, టీకా, ఫుడ్ ఐటమ్స్ఎలర్జీ ఉంటే.. ప్రత్యేక జాగ్రత్తలు తీసుకోవాలి.
- ప్లాస్మా, యాంటీబాడీల ట్రీట్మెంట్ తీసుకుంటున్న కరోనా పేషెంట్లకు వారు కోలుకున్న తర్వాత కనీసం నాలుగు నుంచి ఎనిమిది వారాల తర్వాతే టీకా ఇవ్వాలి.
- ఇప్పటికే కరోనా బారినపడితే.. దాని నుంచి పూర్తిగా కోలుకున్న తర్వాతే వ్యాక్సిన్ వేస్తారు.
- కరోనా నుంచి కోలుకున్న వారు తమకు నెగెటివ్ వచ్చిన 4 నుంచి 8 వారాల తర్వాతే వ్యాక్సిన్ వేసుకోవాలి.
- కొవిషీల్డ్ వ్యాక్సిన్ వేసిన చోట కొంచెం నొప్పి ఉంటుంది. తలనొప్పి, మజిల్ పెయిన్, అలసట, జ్వరం, వణుకు, కీళ్ల నొప్పి రావచ్చు.
- కొవాగ్జిన్ వ్యాక్సిన్ వేసిన చోట కూడా నొప్పి ఉంటుంది. కొద్దిగా వాపు రావొచ్చు. తలనొప్పి, జ్వరం, కడుపు నొప్పి, వికారం, వాంతులు, చెమటలు పట్టడం, జలుబు చేయడం, దగ్గు వంటి రావొచ్చు.ఈ లక్షణాలు కనిపిస్తే భయపడాల్సిన పని లేదు.
- వ్యాక్సిన్ వేసుకున్న తర్వాత జ్వరం లాంటివి ఉంటే పారాసిటమాల్ ట్యాబ్లెట్లను వాడొచ్చు.
- వ్యాక్సినేషన్పై సందేహాలను తొలగించేందుకు ప్రత్యేక హెల్ప్ లైన్ 1075 టోల్ఫ్రీ నంబర్ ఏర్పాటు.
ఇవీ చదవండి
పోషక విలువలున్నాయని ఎక్కువగా తింటే..
జూనియర్ బ్యాడ్మింటన్ ర్యాంకింగ్స్: సామియా @ వరల్డ్ నెంబర్-2
నెట్ బౌలర్గా వెళ్లి 3 ఫార్మాట్లలో అరంగేట్రం