- ప్రపంచవ్యాప్తంగా కొనసాగుతున్న ప్రయోగాలు
- రెండు కంపెనీల వ్యాక్సిన్లపై హ్యూమన్ ట్రయల్స్
- ప్రీక్లీనికల్ స్టేజ్లో మరో 60
- ఇండియాలో వ్యాక్సిన్ తయారు చేస్తున్న రెండు కంపెనీలు
న్యూఢిల్లీ: ప్రస్తుతం కరోనా వైరస్ ప్రపంచాన్ని వణికిస్తోంది. ఆన్లైన్లో అందుబాటులో ఉన్న వైరస్కు సంబంధించిన జెనెటిక్ ఇన్ఫర్మేషన్ ఆధారంగా ఇప్పటికే పలు దేశాల ప్రభుత్వాలు, ప్రైవేట్ సంస్థలు, ఎడ్యుకేషనల్ ఇనిస్టిట్యూట్స్, నాన్ ప్రాఫిట్ ఆర్గనైజేషన్లు కూడా కోవిడ్ –19 వ్యాక్సిన్ కనిపెట్టేందుకు తమ వంతు ప్రయత్నాలు చేస్తున్నాయి. ఏప్రిల్ 4న వరల్డ్ హెల్త్ ఆర్గనైజేషన్(డబ్ల్యూహెచ్వో) ‘‘డ్రాఫ్ట్ ల్యాండ్ స్కేప్ ఆఫ్ కోవిడ్ 19 క్యాండిడేట్ వ్యాక్సిన్స్” డాక్యుమెంట్ను రిలీజ్ చేసింది. దీని ప్రకారం ప్రస్తుతం రెండు వ్యాక్సిన్లకు సంబంధించి హ్యూమన్ ట్రయల్స్ జరుగుతున్నాయి.
నాన్ రెప్లికేటింగ్ వైరల్ వెక్టర్ వ్యాక్సిన్
కాన్సినో బయోలాజికల్ సంస్థ నాన్ రెప్లికేటింగ్ వైరల్ వెక్టర్ వ్యాక్సిన్ను డెవలప్ చేసింది. బీజింగ్ ఇనిస్టిట్యూట్ ఆఫ్ బయో టెక్నాలజీ సాయంతో ఈ వ్యాక్సిన్ను తయారు చేసింది. నాన్ రెప్లికేటింగ్ వైరల్ వెక్టర్ వ్యాక్సిన్ను చనిపోయిన వైరస్ నుంచి లేదా వైరస్లోని ఓ పార్ట్ ఆధారంగా డెవలప్ చేస్తారు. ఇది పూర్తిస్థాయి వైరస్ కాకపోయినా.. దాని యాంటిజెన్స్ మన ఇమ్యూన్ సిస్టంలో యాంటీబాడీస్ను ప్రొడ్యూస్ చేసేందుకు ఉపయోగపడతాయి. ఇవి భవిష్యత్లో మనం కరోనా వైరస్ బారిన పడితే దానితో పోరాడేందుకు సహాయపడతాయి. చైనీస్ క్లీనికల్ ట్రయల్ రిజిస్ట్రీ డేటా ప్రకారం.. 18 నుంచి 60 ఏండ్ల వయసున్న మగ, ఆడవారిపై టెస్టులు కొనసాగుతున్నాయి. ఒక్కో గ్రూపులో 36 మందితో మూడు గ్రూపులుగా ఈ టెస్టులు చేస్తున్నారు. హై, మీడియం, లో డోసేజ్తో పరీక్షలు నిర్వహిస్తున్నారు.
మెసెంజర్ ఆర్ఎన్ఏ వ్యాక్సిన్
ఇక రెండోది మెసెంజర్ ఆర్ఎన్ఏ వ్యాక్సిన్. దీనిని మోడర్నా అండ్ నేషనల్ ఇనిస్టిట్యూట్ ఆఫ్ అలెర్జీ అండ్ ఇన్ఫెక్టియస్ డిసీజెస్ డెవలప్చేసింది. ఆర్ఎన్ఏ వ్యాక్సిన్లో పాథోజెన్ నుంచి తీసిన మెసెంజర్ ఆర్ ఎన్ఏని వాడతారు. ఈ మెసెంజర్ ఆర్ఎన్ఏ.. మన ఇమ్యూన్ సెల్స్, యాంటీబాడీస్ ఆధారంగా యాంటీ ప్రొటీన్గా మార్పుచెందుతుంది. కానీ, ఈ మెసెంజర్ ఆర్ఎన్ఏ స్టేబుల్గా ఉండదు. అందువల్ల దీనిని హ్యాండిల్ చేయడం చాలా కష్టం. అందువల్ల దానిని లిపిడ్ నానో పార్టికల్(ఎల్ఎన్పీ)లో ఉంచుతారు. ఈ ఎల్ఎన్పీ అనేది మెసెంజర్ ఆర్ఎన్ఏని డెవివర్ చేసే కారకంగా పనిచేస్తుంది. క్లీనికల్ ట్రయల్స్.జీవోవీ వెబ్సైట్ ప్రకారం.. 18 నుంచి 55 ఏండ్ల వయసు కలిగిన 45 మంది మగ, ఆడవారిని మూడు గ్రూపులుగా చేసి టెస్టులు చేస్తున్నారు. వారికి ఇంట్రామస్కులర్ ఇంజెక్షన్ ద్వారా కండరాల్లోకి వ్యాక్సిన్ను ఎక్కిస్తారు. డే 1, డే 29న ఈ ఇంజెక్షన్ చేస్తారు.
ఇండియాలో వ్యాక్సిన్ల తయారీ ఇలా..
ఏప్రిల్ 9న నేచుర్ రివ్యూస్ డ్రగ్ డిస్కవరీలో పబ్లిష్ అయిన కొయిలిషన్ ఫర్ ఎపిడమిక్ ప్రిపేర్డ్నెస్ ఇన్నోవేషన్స్(సీఈపీఐ) నోట్స్ ప్రకారం.. ప్రస్తుతం ప్రపంచవ్యాప్తంగా 115 వ్యాక్సిన్లపై ప్రయోగాలు జరుగుతున్నాయి. ఇందులో 78 కన్ఫర్మ్ చేసినవి కాగా.. 37 డెవలప్మెంట్ స్టాటస్ను కన్మర్మ్ చేయనివి. ప్రీక్లీనికల్ స్టేజ్లో మరో 60 వ్యాక్సిన్లు ఉన్నాయి. డబ్ల్యూహెచ్వో ప్రకటించిన రెండు కాకుండా.. ఐనోవియో ఫార్మాసుటికల్స్కు చెందిన ఒక వ్యాక్సిన్, షెన్ జెన్ జీనో ఇమ్యూనీ మెడికల్ ఇనిస్టిట్యూట్కు చెందిన రెండు వ్యాక్సిన్లు కూడా ఈ లిస్ట్లో ఉన్నాయి. ఇందులో ఇండియాకు చెందిన ఫార్మాసుటికల్ కంపెనీలు జైడూస్ కాడిలాకు చెందిన డీఎన్ఏ ప్లాస్మిడ్ వ్యాక్సిన్, సీరం ఇనిస్టిట్యూట్ ఆఫ్ ఇండియాకు చెందిన లైవ్ అటెన్యుయేటెడ్ వైరస్ వ్యాక్సిన్ కూడా ఉన్నాయి. డీఎన్ఏ వ్యాక్సిన్ తయారు చేయడం చాలా సులభం. స్టోర్ చేయడం, ట్రాన్స్పోర్ట్ చేయడం ఈజీ. తక్కువ ఖర్చుతో తయారు చేయవచ్చు.
