రోనిత్ జీఆర్జీ హీరోగా పరిచయం అవుతూ, నిపుణ్ సత్య కీలక పాత్ర పోషిస్తున్న చిత్రం ‘వాలీ’. జి విక్రమ్ రెడ్డి సమర్పణలో ఫైర్వాటర్ ఎంటర్టైన్మెంట్స్ బ్యానర్పై రూపొందుతున్న ఈ చిత్రానికి దిలీప్ కె. మనుకొండ దర్శకత్వం వహిస్తున్నాడు. ఆదివారం ఈ మూవీ టైటిల్ను రివీల్ చేస్తూ, దర్శకుడు క్రిష్ జాగర్లమూడి ఫస్ట్ లుక్ మోషన్ పోస్టర్ను రిలీజ్ చేసి టీమ్కు బెస్ట్ విషెస్ చెప్పారు. తీరప్రాంత గ్రామీణ నేపథ్యంలో సాగనున్న ఈ సినిమా, ఇద్దరు అన్నదమ్ముల జీవితాలను చూపిస్తూ, వాలీబాల్ గేమ్లోని పోటీని ఎమోషన్స్తో, హ్యూమన్ రిలేషన్స్ను రిఫ్లెక్ట్ చేసేలా ఉంటుందని దర్శక నిర్మాతలు తెలియజేశారు.
ఆంధ్రప్రదేశ్లోని ఉప్పాడ పరిసర ప్రాంతాల్లో ఈ సినిమా చిత్రీకరణ పూర్తయ్యిందని, ప్రస్తుతం పోస్ట్ ప్రొడక్షన్ పనులు జరుగుతున్నాయని అన్నారు. ఈ చిత్రంలో అభిగ్న్య వుత్తలూరు హీరోయిన్గా నటిస్తోంది. రవి వర్మ, కల్పలత, వడ్లమాని శ్రీనివాస్, లక్ష్మణ్ మీశాల, కిరణ్ వారణాసి, రమణ భార్గవ ఇతర ముఖ్య పాత్రలు పోషిస్తున్నారు. జి రోహన్ రెడ్డి నిర్మిస్తుండగా, శ్రీనివాస్ కారంకి సహ నిర్మాతగా వ్యవహరిస్తున్నారు.
