ఓయూ, వెలుగు: హెచ్ సీయూలోని విద్యార్థులపై విధించిన సస్పెన్షన్ ను ఎత్తివేయాలని డిమాండ్ చేస్తూ ఓయూ ఆర్ట్స్కాలేజీ వద్ద పలు విద్యార్థి సంఘాల నాయకులు మంగళవారం నిరసన తెలిపారు. ఈ సందర్భంగా ఎస్ఎఫ్ఐ రాష్ట్ర అధ్యక్షుడు ఆర్.ఎల్.మూర్తి మాట్లాడుతూ.. హెచ్సీయూలో స్టూడెంట్స్ యూనియన్ ప్రెసిడెంట్తోపాటు మాజీ విద్యార్థి సంఘ నాయకులను, ఎస్ఎఫ్ఐ నాయకులను క్యాంపస్ నుంచి సస్పెండ్ చేయడాన్ని ఖండిస్తున్నామన్నారు. స్టూడెంట్లపై పోలీస్ కేసులు పెట్టడం సరికాదన్నారు. హెచ్సీయూ వీసీ ప్రొఫెసర్ లాగా కాకుండా రాజకీయ నాయకుడిగా వ్యవహరిస్తున్నారని విమర్శించారు. ఇప్పటికైనా విద్యార్థులపై సస్పెన్షన్ను ఎత్తివేయాలని, లేకుంటే.. చలో హెచ్సీయూకు పిలుపునిస్తామని హెచ్చరించారు. కార్యక్రమంలో ఎస్ఎఫ్ఐ నాయకులు రవినాయక్, శ్రీకాంత్, ఏఐఎస్ఎఫ్ నాయకులు నెల్లి సత్య, ఏఎంఎస్ఏ నాయకులు సైదులు, సీఐటీయూ నాయకులు మహేందర్ పాల్గొన్నారు
