- 2021లోనే డబ్బులు తీసుకుని ఫ్లాట్స్ హ్యాండోవర్ చేయట్లేదని ఆగ్రహం
- ఆలస్యమైన మాట నిజమేనన్న వాసవీ నిర్వాహకులు
- త్వరలో ఓ నిర్ణయంతో ముందుకువస్తామని వెల్లడి
జీడిమెట్ల, వెలుగు: ప్రీ-లాంచింగ్ పేరుతో రియల్టీ సంస్థలు వినియోగదారులను నిలువు దోపిడీకి గురి చేస్తున్నాయి. సామాన్యుడి సొంతింటి ఆశలను ఆసరాగా చేసుకుని మానసిక క్షోభకు గురి చేస్తూనే ఉన్నాయి. ముందుగానే మొత్తం డబ్బులు కట్టించుకుని గడువు ముగిసినా ఫ్లాట్లు హ్యాండోవర్ చేయకుండా ఇష్టానుసారంగా ప్రవర్తిస్తున్నాయి. అందుకు ఉదాహరణే బాచుపల్లిలోని వాసవీ అర్బన్ అపార్ట్మెంట్స్.
95 శాతం డబ్బులు ముందుగానే..
బాచుపల్లిలో వాసవీ అర్బన్ అపార్ట్మెంట్స్పేరుతో వాసవీ గ్రూప్ సుమారు 3 వేల ఫ్లాట్స్ నిర్మిస్తున్నది. అన్ని సౌకర్యాలు కల్పిస్తామని ప్రకటనలు గుప్పించి ప్రజలను ఆకర్షించింది. దీంతో వినియోగదారులు అన్ని సౌకర్యాలతో ఓ గూడు ఏర్పడుతుందని ఆశతో ఫ్లాట్స్బుక్చేసుకున్నారు. ఇందులో భాగంగా 95 శాతం డబ్బులు ముందస్తుగానే చెల్లించారు. అయితే, 2021లో ఫ్లాట్స్బుక్చేసుకున్న వారికి కూడా ఇప్పటివరకూ నిర్వాహకులు ఫ్లాట్స్అందజేయలేదు.
ఎన్నిసార్లు అడిగినా నిర్లక్ష్యంగా సమాధానాలు చెప్పడంతో ఆగ్రహించిన సుమారు 200 మంది వినియోగదారులు శనివారం బాచుపల్లిలోని అపార్ట్మెంట్స్ వద్ద ఆందోళనకు దిగారు. తమ ఫ్లాట్లను వెంటనే అందజేయాలని డిమాండ్ చేశారు.
ఫ్లాట్ విజిట్కూ అనుమతించట్లేదు..!
ఫ్లాట్బుక్చేసుకుని ఏండ్లు గడుస్తున్నా ఇప్పటివరకూ తమకు ఇవ్వకుండా కనీసం ఫ్లాట్ విజిట్కు సైతం అనుమంతించడం లేదని ఆవేదన వ్యక్తం చేశారు. తాము చచ్చాక ఫ్లాట్స్అందజేస్తారా? అంటూ ఆగ్రహం వ్యక్తం చేశారు.
ఓవైపు ఫ్లాట్కోసం మొత్తం డబ్బులు చెల్లించి మరోవైపు వేలకు వేలు పెట్టి అద్దె ఇంట్లో ఉంటున్నామన్నారు. నిర్మాణాలు పూర్తి చేసి తమకు అందించేవరకూ నష్టపరిహారం చెల్లించాలని డిమాండ్ చేశారు. వీవాంట్జస్టిస్అంటూ నినాదాలు చేశారు. దీంతో ఉద్రిక్త పరిస్థితి నెలకొంది. పోలీసులు రంగప్రవేశం చేసి ఇరువర్గాలకు నచ్చచెప్పారు.
ఆలస్యమైన మాట వాస్తవమేనని త్వరలోనే ఓ నిర్ణయంతో వినియోగదారుల ముందుకు వస్తామని నిర్వాహకులు చెప్పడంతో ఆందోళన విరమించారు. మరోసారి మోసం చేస్తే ఆందోళన తీవ్రరూపం చేస్తామని వినియోగదారులు హెచ్చరించారు.
