న్యూఢిల్లీ: అప్పుల ఊబిలో కూరుకుపోయిన టెలికాం సంస్థ వొడాఫోన్ ఐడియా (వీఐ) రాష్ట్రాల రాజధానులు జైపూర్, కోల్‌‌‌‌‌‌‌‌కతా, లక్నోతో సహా మరో 23 నగరాలకు 5జీ కవరేజీని విస్తరించింది. వీఐ ఇప్పటికే ఐదు నగరాల్లో 5జీ సేవలను అందిస్తోంది. - ముంబై, ఢిల్లీ-–ఎన్‌‌‌‌‌‌‌‌సిఆర్, బెంగళూరు, చండీగఢ్ పాట్నాలో కంపెనీ 5జీ టవర్లను ఇన్స్టాల్ చేసింది.
తాజాగా అహ్మదాబాద్, ఆగ్రా, ఔరంగాబాద్, కోజికోడ్, కొచ్చిన్, డెహ్రాడూన్, ఇండోర్, జైపూర్, కోల్‌‌‌‌‌‌‌‌కతా, లక్నో, మధురై, మలప్పురం, మీరట్, నాగ్‌‌‌‌‌‌‌‌పూర్, నాసిక్, పూణే, రాజ్‌‌‌‌‌‌‌‌కోట్, సోనెపట్, సూరత్, సిలిగురి, త్రివేండ్రం, వడోదర, వైజాగ్లో 5జీని అందుబాటులోకి తెచ్చామని కంపెనీ సోమవారం తెలిపింది. వీఐ 22 టెలికాం సర్కిల్‌‌‌‌‌‌‌‌లలో 17 చోట్ల 5జీ స్పెక్ట్రమ్‌‌‌‌‌‌‌‌ను కొనుగోలు చేసింది.
కంపెనీ 5జీ ప్లాన్లు రూ. 299 నుంచి మొదలవుతాయి. సుమారు 65 వేల సైట్‌‌‌‌‌‌‌‌లలో 900 మెగాహెర్ట్జ్ బ్యాండ్‌‌‌‌‌‌‌‌లో 4జీ కనెక్టివిటీని ఇస్తున్నామని, ఇండోర్ కనెక్టివిటీని మెరుగుపరిచామని కంపెనీ తెలిపింది. రాబోయే ఆరు నెలల్లో లక్ష కొత్త టవర్లను ఇన్స్టాల్ చేయాలని యోచిస్తున్నట్లు వీఐ పేర్కొంది.
