చిన్నదో పెద్దదో.. పాజిటివో నెగిటివో.. విజయ్ సేతుపతి చేస్తున్నాడంటే ఆ పాత్ర ప్రత్యేకంగా మారిపోతుంది. ఆ సినిమా క్రేజ్ అమాంతం పెరిగిపోతుంది. అందుకే తనని ఏరి కోరి సెలెక్ట్ చేసుకున్నానంటున్నాడు డైరెక్టర్ మిస్కిన్. ‘పిశాచి’తో హారర్ సినిమాల్లో కొత్త ట్రెండ్ సృష్టించిన ఆయన.. ప్రస్తుతం ‘పిశాచి 2’ చిత్రాన్ని తెరకెక్కిస్తున్నారు. దెయ్యాల సినిమాలకు కేరాఫ్ అయిన ఆండ్రియా జెర్మియాని లీడ్ రోల్‌‌‌‌‌‌‌‌కి తీసుకున్నాడు. ఇందులో విజయ్ సేతుపతి కూడా యాక్ట్ చేస్తున్నాడనే విషయాన్ని రీసెంట్‌‌‌‌‌‌‌‌గా రివీల్ చేశాడు. సినిమా మొత్తంలో పదహారు నిమిషాల పాటు సేతుపతి కనిపిస్తాడట. తన క్యారెక్టర్‌ చాలా డిఫరెంట్‌‌‌‌‌‌‌‌గాను, కాస్త షాకింగ్‌‌‌‌‌‌‌‌గాను కూడా ఉంటుందట. కథని మలుపు తిప్పుతుందట. సేతుపతి చేస్తున్నాడంటేనే అంచనాలు భారీగా ఉంటాయి. షాకింగ్‌‌‌‌‌‌‌‌గా ఉంటుందని మిస్కిన్ అంటున్నాడంటే ఇక ఎక్స్‌‌‌‌‌‌‌‌పెక్టేషన్స్ ఏ రేంజ్‌‌‌‌‌‌‌‌కి వెళ్తాయో!
