గోదావరిఖని, వెలుగు: రామగుండం నియోజకవర్గంలోని ఎల్లంపల్లి ప్రాజెక్టులో ముంపునకు గురైన మూర్మూర్, ఎల్లంపల్లి గ్రామాలు పైకి తేలాయి. 2005లో ప్రాజెక్టు నిర్మాణం పూర్తి కావడంతో ఈ గ్రామాలను అధికారులు ఖాళీ చేయించి వేరే చోట పునరావాసం కల్పించారు. ప్రస్తుత పరిస్థితుల నేపథ్యంలో మేడిగడ్డ, అన్నారం, సుందిళ్ల బ్యారేజీల నుంచి ఎత్తిపోతలు బంద్ చేశారు. ఫలితంగా ఎల్లంపల్లి ప్రాజెక్ట్లో నీటి నిల్వ సామర్థ్యం పూర్తిగా తగ్గు ముఖం పట్టింది. దీంతో ముంపునకు గురైన తమ నివాసాలను చూసుకుని ఆయా గ్రామస్తులు పాత జ్ఞాపకాలను గుర్తు చేసుకుంటున్నారు.
